ఓటమి దిశగా బంగ్లాదేశ్!
వరల్డ్ కప్ లో టీమిండియాతో జరుగుతున్న క్వార్టర్ ఫైనల్ పోరులో బంగ్లాదేశ్ జట్టు ఓటమి దిశగా సాగుతోంది. 303 పరుగుల భారీ లక్ష్యాన్ని ఛేదించే క్రమంలో జట్టు సగం పరుగులు కూడా చేయకముందే టాప్, మిడిల్ ఆర్డర్ ఆటగాళ్లను కోల్పోయింది. 37 ఓవర్లలో 6 వికెట్ల నష్టానికి 159 పరుగులు మాత్రమే చేయగలిగి పీకల్లోతు కష్టాల్లో మునిగింది. ప్రస్తుతం నాసిర్, షబ్బీర్ లు క్రీజులో ఉన్నారు. మరో 13 ఓవర్లు మాత్రమే మిగిలి ఉండగా, ఇంకా విజయానికి కావలసిన 144 పరుగులను బంగ్లా సాధించడం దాదాపు అసాధ్యమే!. భారత బౌలర్లలో ఉమేష్ యాదవ్, షమీలు చెరో 2 వికెట్లు తీశారు.