ఏపీకి అదనంగా 1.77 శాతం విద్యుత్... నీరజ్ మాథుర్ కమిటీ ఆదేశం

ఐదేళ్ల విద్యుత్ వినియోగం ఆధారంగా విభజనలో జరిగిన పొరపాటును కేంద్రం సవరించింది. ఈ నేపథ్యంలో ఏపీకి అదనంగా 1.77 శాతం కరెంటు ఇవ్వాలని ఈరోజు నీరజ్ మాథుర్ కమిటీ ఆదేశించింది. అదనపు విద్యుత్ కేటాయించేందుకు తెలంగాణ కూడా అంగీకరించింది. దాంతో, ఇక నుంచి 47.88 శాతం విద్యుత్తును ఆంధ్రప్రదేశ్ రాష్ట్రం పొందనుంది. ఢిల్లీలో ఇవాళ నీరజ్ మాథుర్ కమిటీ ఎదుట ఇరు రాష్ట్రాల ఇంధనశాఖ కార్యదర్శులు వాదనలు వినిపించారు. పీపీఏలపై రెండు రాష్ట్రాల వాదనలు విన్న కమిటీ, ఈ నెల 24న రెండు రాష్ట్రాల ప్రతినిధులతో భేటీ కానుంది.