స్టేట్ బ్యాంక్ ఆఫ్ హైదరాబాదులో అగ్ని ప్రమాదం

వరంగల్ జిల్లా నర్సంపేటలోని స్టేట్ బ్యాంక్ ఆఫ్ హైదరాబాదులో ఈ తెల్లవారుజామున అగ్ని ప్రమాదం సంభవించింది. ఈ ప్రమాదంతో బ్యాంకులో అగ్ని కీలలు తీవ్ర స్థాయిలో ఎగసిపడ్డాయి. ప్రమాద సమాచారం అందుకున్న అగ్నిమాపక సిబ్బంది హుటాహుటిన ఘటనా స్థలికి చేరుకుని... రెండు ఫైరింజన్లతో మంటలను అదుపులోకి తెచ్చారు. షార్ట్ సర్క్యూట్ కారణంగానే ఈ ప్రమాదం జరిగి ఉంటుందని భావిస్తున్నారు. ఈ ప్రమాదంలో కీలక రికార్డులు, కంప్యూటర్లు, ఫర్నిచర్ దగ్ధమయ్యాయి. ఆస్తి నష్టం ఎంతనేది తేలాల్సి ఉంది.