సీజేపీ నిరసన సెగ.. ఢిల్లీలో 24 గంటల పాటు ఇంటర్నెట్ బంద్
- సీఈసీ జ్ఞానేశ్ కుమార్‌కు వ్యతిరేకంగా కాక్రోచ్ జనతా పార్టీ నిరసన
- ఢిల్లీలోని జన్‌పథ్ చుట్టూ 4 కి.మీ. పరిధిలో ఇంటర్నెట్ నిలిపివేత
- శుక్రవారం రాత్రి 10 గంటల నుంచి 24 గంటల పాటు ఆంక్షలు
- టెలికం సంస్థలకు ఆదేశాలు జారీ చేసిన ఢిల్లీ పోలీసు యంత్రాంగం
- ప్రభుత్వ కఠిన చర్యలపై సుప్రీంకోర్టు వ్యాఖ్యల నేపథ్యంలో ఈ నిర్ణయం
చీఫ్ ఎలక్షన్ కమిషనర్ (సీఈసీ) జ్ఞానేశ్ కుమార్‌కు వ్యతిరేకంగా కాక్రోచ్ జనతా పార్టీ (సీజేపీ) రేపు తలపెట్టిన నిరసన కార్యక్రమం దేశ రాజధాని ఢిల్లీలో తీవ్ర ఉద్రిక్తతలకు దారితీసింది. పరిస్థితిని అదుపులోకి తెచ్చేందుకు ఢిల్లీ పోలీసులు ముందస్తు చర్యల్లో భాగంగా కఠిన ఆంక్షలు విధించారు. జన్‌పథ్-కర్తవ్య పథ్ కూడలికి నాలుగు కిలోమీటర్ల పరిధిలో మొబైల్ ఇంటర్నెట్ సేవలను 24 గంటల పాటు నిలిపివేయాలని శుక్రవారం సాయంత్రం ఆదేశాలు జారీ చేశారు. అక్టోబర్ 9, శుక్రవారం రాత్రి 10 గంటల నుంచి శనివారం రాత్రి 10 గంటల వరకు ఈ ఆంక్షలు అమల్లో ఉంటాయని వెల్లడించారు.
ఈ మేరకు ఢిల్లీ డిప్యూటీ కమిషనర్ ఆఫ్ పోలీస్ కార్యాలయం నుంచి ఎయిర్‌టెల్, వొడాఫోన్-ఐడియా, జియో, ఎంటీఎన్ఎల్ వంటి ప్రధాన టెలికం సంస్థలకు అధికారిక ఉత్తర్వులు వెళ్లాయి. టెలికమ్యూనికేషన్స్ చట్టం-2023లోని నిబంధనల ప్రకారం ఇంటర్నెట్ సేవలను నిలిపివేయాలన్న తాము కోరిన విన్నపాన్ని కేంద్ర హోంశాఖ కార్యదర్శి ఆమోదించినట్లు పోలీసులు తమ ఉత్తర్వుల్లో స్పష్టం చేశారు. అన్ని రకాల సాంకేతిక పరిజ్ఞానంతో కూడిన మొబైల్ ఇంటర్నెట్ సేవలను తక్షణమే నిలిపివేయాలని ఆయా సంస్థలను ఆదేశించారు.
కాగా, ఈ పరిణామం చోటుచేసుకోవడానికి కొన్ని గంటల ముందే నిరసనల అణిచివేతకు ప్రభుత్వం తీసుకుంటున్న కఠిన చర్యలపై సుప్రీంకోర్టు కీలక వ్యాఖ్యలు చేసింది. ఢిల్లీలోకి వచ్చే మెట్రోలు, రైళ్లపై ఆంక్షలు విధించడాన్ని ప్రశ్నిస్తూ, "ఈగను చంపడానికి సుత్తిని ఉపయోగించలేరు కదా" అని ప్రభుత్వాన్ని నిలదీసింది. అత్యున్నత న్యాయస్థానం ఇటువంటి వ్యాఖ్యలు చేసినప్పటికీ, పోలీసులు నిరసనలను అడ్డుకోవడానికి ఇంటర్నెట్ సేవలపై నిషేధం విధించడం గమనార్హం. సీజేపీ నిరసనల నేపథ్యంలో శాంతిభద్రతల పరిరక్షణ కోసమే ఈ నిర్ణయం తీసుకున్నట్లు పోలీసు వర్గాలు పేర్కొంటున్నాయి.
ఈ మేరకు ఢిల్లీ డిప్యూటీ కమిషనర్ ఆఫ్ పోలీస్ కార్యాలయం నుంచి ఎయిర్‌టెల్, వొడాఫోన్-ఐడియా, జియో, ఎంటీఎన్ఎల్ వంటి ప్రధాన టెలికం సంస్థలకు అధికారిక ఉత్తర్వులు వెళ్లాయి. టెలికమ్యూనికేషన్స్ చట్టం-2023లోని నిబంధనల ప్రకారం ఇంటర్నెట్ సేవలను నిలిపివేయాలన్న తాము కోరిన విన్నపాన్ని కేంద్ర హోంశాఖ కార్యదర్శి ఆమోదించినట్లు పోలీసులు తమ ఉత్తర్వుల్లో స్పష్టం చేశారు. అన్ని రకాల సాంకేతిక పరిజ్ఞానంతో కూడిన మొబైల్ ఇంటర్నెట్ సేవలను తక్షణమే నిలిపివేయాలని ఆయా సంస్థలను ఆదేశించారు.
కాగా, ఈ పరిణామం చోటుచేసుకోవడానికి కొన్ని గంటల ముందే నిరసనల అణిచివేతకు ప్రభుత్వం తీసుకుంటున్న కఠిన చర్యలపై సుప్రీంకోర్టు కీలక వ్యాఖ్యలు చేసింది. ఢిల్లీలోకి వచ్చే మెట్రోలు, రైళ్లపై ఆంక్షలు విధించడాన్ని ప్రశ్నిస్తూ, "ఈగను చంపడానికి సుత్తిని ఉపయోగించలేరు కదా" అని ప్రభుత్వాన్ని నిలదీసింది. అత్యున్నత న్యాయస్థానం ఇటువంటి వ్యాఖ్యలు చేసినప్పటికీ, పోలీసులు నిరసనలను అడ్డుకోవడానికి ఇంటర్నెట్ సేవలపై నిషేధం విధించడం గమనార్హం. సీజేపీ నిరసనల నేపథ్యంలో శాంతిభద్రతల పరిరక్షణ కోసమే ఈ నిర్ణయం తీసుకున్నట్లు పోలీసు వర్గాలు పేర్కొంటున్నాయి.
