Nara Lokesh: నెల్లూరు వీఆర్ హైస్కూలు పునరుద్ధరణ... మంత్రి నారా లోకేశ్ స్పందన
నెల్లూరు నగరంలో రెండున్నర శతాబ్దాల సుదీర్ఘ చరిత్ర కలిగిన వెంకటగిరి రాజా వారి (విఆర్) ఉన్నత పాఠశాలను పూర్తిస్థాయి మౌలిక సదుపాయాలతో అభివృద్ధి చేసిన రాష్ట్ర మంత్రి పొంగూరి నారాయణను విద్యాశాఖ మంత్రి నారా లోకేశ్ మనస్ఫూర్తిగా అభినందించారు. ఈ మేరకు ఆయన సోషల్ మీడియా ద్వారా తన స్పందనను తెలియజేశారు.
మంత్రి నారాయణ ఎంతో పట్టుదలతో, ఆయన విద్యాభ్యాసం చేసిన పాఠశాలను పూర్తిస్థాయిలో డిజిటల్ మయం చేసి, అత్యాధునిక హంగులతో తీర్చిదిద్దారని లోకేశ్ ప్రశంసించారు. గత ప్రభుత్వ హయాంలో నిర్వహణ లోపాలతో మూసివేసిన ఈ చారిత్రక పాఠశాలలో ప్రస్తుతం అడ్మిషన్లు పూర్తయ్యాయని బోర్డు పెట్టే పరిస్థితి రావడం నిజంగా గొప్ప మార్పునకు నిదర్శనమని ఆయన పేర్కొన్నారు. ఇది విద్యాభివృద్ధి పట్ల ప్రస్తుత ప్రభుత్వ నిబద్ధతను తెలియజేస్తోందని అన్నారు.
ఆంధ్రప్రదేశ్లో ఒక ఆదర్శవంతమైన విద్యా వ్యవస్థను రూపొందించేందుకు గత ఏడాది కాలంగా తాను చేస్తున్న కృషికి, మంత్రి 'నారాయణ మాస్టారు' అందిస్తున్న సహకారం ఎంతో ప్రశంసనీయమని లోకేశ్ ఈ సందర్భంగా కొనియాడారు. విద్యారంగంలో నారాయణ గారి అనుభవం, మార్గనిర్దేశం రాష్ట్ర విద్యా వ్యవస్థ బలోపేతానికి ఎంతగానో దోహదపడుతుందని ఆశాభావం వ్యక్తం చేశారు.
మంత్రి నారాయణ ఎంతో పట్టుదలతో, ఆయన విద్యాభ్యాసం చేసిన పాఠశాలను పూర్తిస్థాయిలో డిజిటల్ మయం చేసి, అత్యాధునిక హంగులతో తీర్చిదిద్దారని లోకేశ్ ప్రశంసించారు. గత ప్రభుత్వ హయాంలో నిర్వహణ లోపాలతో మూసివేసిన ఈ చారిత్రక పాఠశాలలో ప్రస్తుతం అడ్మిషన్లు పూర్తయ్యాయని బోర్డు పెట్టే పరిస్థితి రావడం నిజంగా గొప్ప మార్పునకు నిదర్శనమని ఆయన పేర్కొన్నారు. ఇది విద్యాభివృద్ధి పట్ల ప్రస్తుత ప్రభుత్వ నిబద్ధతను తెలియజేస్తోందని అన్నారు.
ఆంధ్రప్రదేశ్లో ఒక ఆదర్శవంతమైన విద్యా వ్యవస్థను రూపొందించేందుకు గత ఏడాది కాలంగా తాను చేస్తున్న కృషికి, మంత్రి 'నారాయణ మాస్టారు' అందిస్తున్న సహకారం ఎంతో ప్రశంసనీయమని లోకేశ్ ఈ సందర్భంగా కొనియాడారు. విద్యారంగంలో నారాయణ గారి అనుభవం, మార్గనిర్దేశం రాష్ట్ర విద్యా వ్యవస్థ బలోపేతానికి ఎంతగానో దోహదపడుతుందని ఆశాభావం వ్యక్తం చేశారు.
