India Smartphone Exports: భారత్ ఎగుమతుల్లో స్మార్ట్ఫోన్ల హవా.. చమురు, వజ్రాలను వెనక్కి నెట్టి అగ్రస్థానం!
భారతదేశ ఎగుమతుల రంగంలో నూతన శకం ఆరంభమైంది. సంప్రదాయంగా అగ్రస్థానంలో ఉండే పెట్రోలియం ఉత్పత్తులు, వజ్రాలను వెనక్కి నెట్టి 2024-25 ఆర్థిక సంవత్సరంలో స్మార్ట్ఫోన్లు అగ్ర ఎగుమతి వస్తువుగా అవతరించాయి. ప్రభుత్వ గణాంకాల ప్రకారం ఈ ఆర్థిక సంవత్సరంలో స్మార్ట్ఫోన్ల ఎగుమతులు 55 శాతం వృద్ధితో 24.14 బిలియన్ డాలర్లకు చేరాయి. గత ఆర్థిక సంవత్సరంలో ఇది 15.57 బిలియన్ డాలర్లుగా ఉండగా, 2022-23లో 10.96 బిలియన్ డాలర్లుగా నమోదైంది.
ముఖ్యంగా అమెరికా, జపాన్ వంటి దేశాలకు భారత్ నుంచి స్మార్ట్ఫోన్ల ఎగుమతులు గత మూడేళ్లలో గణనీయంగా పెరిగాయి. అమెరికాకు ఎగుమతులు 2022-23లో 2.16 బిలియన్ డాలర్ల నుంచి 2024-25 నాటికి దాదాపు ఐదు రెట్లు పెరిగి 10.6 బిలియన్ డాలర్లకు చేరుకున్నాయి. ఇదే సమయంలో జపాన్కు ఎగుమతులు కేవలం 120 మిలియన్ డాలర్ల నుంచి నాలుగు రెట్లు అధికమై 520 మిలియన్ డాలర్లకు పెరిగాయి.
ఈ గణనీయమైన వృద్ధికి కేంద్ర ప్రభుత్వం ప్రవేశపెట్టిన ఉత్పత్తి ఆధారిత ప్రోత్సాహక (పీఎల్ఐ) పథకం ప్రధాన కారణంగా చెప్పవచ్చు. ఈ పథకం అంతర్జాతీయ పెట్టుబడులను ఆకర్షించడమే కాకుండా, దేశీయంగా తయారీ సామర్థ్యాన్ని పెంచి, భారతీయ ఉత్పత్తిని ప్రపంచ సరఫరా గొలుసుతో అనుసంధానించడంలో కీలక పాత్ర పోషించింది.
కౌంటర్పాయింట్ రీసెర్చ్ నివేదిక ప్రకారం, 2024లో భారతదేశ స్మార్ట్ఫోన్ ఎగుమతుల్లో ఆపిల్, శాంసంగ్ సంస్థలు కలిపి ఏకంగా 94 శాతం వాటాను కలిగి ఉన్నాయి. ఈ టెక్ దిగ్గజాలు స్థానిక తయారీపై భారీగా పెట్టుబడులు పెట్టడం, స్మార్ట్ఫోన్లను దేశంలోనే అగ్ర ఎగుమతి వస్తువుగా మార్చడంలో దోహదపడింది. 'మేడ్ ఇన్ ఇండియా' స్మార్ట్ఫోన్ల సరఫరా 2024లో వార్షికంగా 6 శాతం పెరిగినట్లు కూడా నివేదిక పేర్కొంది. ఈ పరిణామం భారత తయారీ రంగం సత్తాను ప్రపంచానికి చాటుతోంది.
ముఖ్యంగా అమెరికా, జపాన్ వంటి దేశాలకు భారత్ నుంచి స్మార్ట్ఫోన్ల ఎగుమతులు గత మూడేళ్లలో గణనీయంగా పెరిగాయి. అమెరికాకు ఎగుమతులు 2022-23లో 2.16 బిలియన్ డాలర్ల నుంచి 2024-25 నాటికి దాదాపు ఐదు రెట్లు పెరిగి 10.6 బిలియన్ డాలర్లకు చేరుకున్నాయి. ఇదే సమయంలో జపాన్కు ఎగుమతులు కేవలం 120 మిలియన్ డాలర్ల నుంచి నాలుగు రెట్లు అధికమై 520 మిలియన్ డాలర్లకు పెరిగాయి.
ఈ గణనీయమైన వృద్ధికి కేంద్ర ప్రభుత్వం ప్రవేశపెట్టిన ఉత్పత్తి ఆధారిత ప్రోత్సాహక (పీఎల్ఐ) పథకం ప్రధాన కారణంగా చెప్పవచ్చు. ఈ పథకం అంతర్జాతీయ పెట్టుబడులను ఆకర్షించడమే కాకుండా, దేశీయంగా తయారీ సామర్థ్యాన్ని పెంచి, భారతీయ ఉత్పత్తిని ప్రపంచ సరఫరా గొలుసుతో అనుసంధానించడంలో కీలక పాత్ర పోషించింది.
కౌంటర్పాయింట్ రీసెర్చ్ నివేదిక ప్రకారం, 2024లో భారతదేశ స్మార్ట్ఫోన్ ఎగుమతుల్లో ఆపిల్, శాంసంగ్ సంస్థలు కలిపి ఏకంగా 94 శాతం వాటాను కలిగి ఉన్నాయి. ఈ టెక్ దిగ్గజాలు స్థానిక తయారీపై భారీగా పెట్టుబడులు పెట్టడం, స్మార్ట్ఫోన్లను దేశంలోనే అగ్ర ఎగుమతి వస్తువుగా మార్చడంలో దోహదపడింది. 'మేడ్ ఇన్ ఇండియా' స్మార్ట్ఫోన్ల సరఫరా 2024లో వార్షికంగా 6 శాతం పెరిగినట్లు కూడా నివేదిక పేర్కొంది. ఈ పరిణామం భారత తయారీ రంగం సత్తాను ప్రపంచానికి చాటుతోంది.
