Family Star: విజయ్ దేవరకొండ 'ఫ్యామిలీ స్టార్' నుంచి సెకండ్ సింగిల్ రిలీజ్

యంగ్ హీరో విజయ్ దేవరకొండ, మృణాల్ ఠాకూర్ జంటగా పరశురాం దర్శకత్వంలో వస్తున్న చిత్రం 'ఫ్యామిలీ స్టార్'. తాజాగా ఈ చిత్రం రెండో పాట విడుదలైంది. కల్యాణి వచ్చా వచ్చా అంటూ సాగే ఈ గీతానికి గోపిసుందర్ బాణీలు కట్టగా, అనంత్ శ్రీరామ్ సాహిత్యం అందించారు. కార్తీక్, మంగ్లి ఆలపించారు. ఈ లిరికల్ వీడియోను చిత్రబృందం యూట్యూబ్ లో రిలీజ్ చేసింది. 

'గీతగోవిందం' తర్వాత విజయ్ దేవరకొండ, పరశురాం కాంబినేషన్ లో వస్తున్న చిత్రం కావడంతో 'ఫ్యామిలీ స్టార్' పై అంచనాలు భారీగానే ఉన్నాయి. శ్రీ వెంకటేశ్వర క్రియేషన్స్ పతాకంపై ఈ చిత్రాన్ని దిల్ రాజు, శిరీష్ నిర్మిస్తున్నారు.