Ram Charan: రామ్ చరణ్ బర్త్ డే సందర్భంగా 'గేమ్ చేంజర్' నుంచి అదిరిపోయే కానుక

గ్లోబల్ స్టార్ రామ్ చరణ్, క్రేజీ డైరెక్టర్ శంకర్ కాంబోలో వస్తున్న చిత్రం గేమ్ చేంజర్. ఇందులో రామ్ చరణ్ సరసన కియారా అద్వానీ కథానాయిక. కాగా, ఈ నెల 27న రామ్ చరణ్ పుట్టినరోజు జరుపుకోనున్నారు. ఈ సందర్భంగా రామ్ చరణ్ ఫ్యాన్స్ కు గేమ్ చేంజర్ చిత్ర బృందం అదిరిపోయే గిఫ్ట్ ప్లాన్ చేసింది. రామ్ చరణ్ బర్త్ డే కానుకగా గేమ్ చేంజర్ నుంచి 'జరగండి..' అనే పాటను విడుదల చేయనున్నట్టు నేడు ప్రకటించింది. ఈ చిత్రం పొలిటికల్ బ్యాక్ డ్రాప్ తో తెరకెక్కుతోంది. ఇందులో శ్రీకాంత్, అంజలి, నవీన్ చంద్ర, ఎస్ జే సూర్య తదితరులు నటిస్తున్నారు. దిల్ రాజు నిర్మాతగా తెరకెక్కుతున్న ఈ చిత్రానికి తమన్ సంగీతం అందిస్తున్నాడు. కాగా, ఈ సినిమా రిలీజ్ డేట్ పై ఇంకా స్పష్టత రావాల్సి ఉంది.