Nikhil: ఆసక్తిని రేపుతున్న నిఖిల్ లుక్ .. 'స్వయంభు' పోస్టర్ రిలీజ్!

యువ కథానాయకులలో తనకంటూ ఒక ప్రత్యేకమైన స్థానం ఉండేలా నిఖిల్ శ్రద్ధ తీసుకుంటూ వస్తున్నాడు. 'కార్తికేయ 2' సినిమాతో 100 కోట్లను మార్క్ ను టచ్ చేసిన హీరోగా నిలిచాడు. ఆ తరువాత వచ్చిన '18 పేజెస్' సినిమా, క్లాసికల్ హిట్ అనిపించుకుంది. ఇక త్వరలో ఆయన నుంచి 'స్పై' సినిమా రానుంది.

'స్పై' సినిమా అప్ డేట్స్ ఇప్పటికే అందరిలో ఆసక్తిని పెంచుతూ వెళుతున్నాయి. నిఖిల్ కొత్తగా ఏదో ట్రై చేశాడనే చెప్పుకుంటున్నారు. ఈ నేపథ్యంలోనే ఈ రోజున ఆయన బర్త్ డే సందర్భాన్ని పురస్కరించుకుని, మరో కొత్త సినిమా నుంచి పోస్టర్ ను రిలీజ్ చేశారు. పాన్ ఇండియా స్థాయిలో రూపొందుతున్న ఆ సినిమా పేరే 'స్వయంభు'. 

ఈ సినిమా పోస్టర్ లో నిఖిల్ ఒక యుద్ధవీరుడిగా కనిపిస్తున్నాడు. సినిమా మొత్తం కాకపోయినా, ఒక సందర్భంలో ఆయన ఇలా కనిపించే అవకాశం ఉండొచ్చు. ఈ సినిమా డిఫరెంట్ కాన్సెప్ట్ తో రూపొందుతుందనే విషయం టైటిల్ ను బట్టే అర్థమైపోతోంది. కృష్ణ భరత్ దర్శకత్వం వహిస్తున్న ఈ సినిమాకి, రవి బస్రూర్ సంగీతాన్ని సమకూర్చుతున్నాడు.