Prakash Raj: 'రంగ మార్తాండ' నుంచి లిరికల్ సాంగ్ రిలీజ్!

  • కృష్ణవంశీ నుంచి వస్తున్న 'రంగ మార్తాండ'
  • ఇళయరాజా సంగీతం ప్రత్యేక ఆకర్షణ
  • ప్రకాశ్ రాజ్ సరసన నటించిన రమ్యకృష్ణ 
  • రాహుల్ సిప్లి గంజ్ కి జోడీగా శివాత్మిక
Ranga Marthanda lyrical song released

ప్రకాశ్ రాజ్ .. రమ్యకృష్ణ .. బ్రహ్మానందం ప్రధానమైన పాత్రలను పోషించిన 'రంగమార్తాండ' విడుదలకు ముస్తాబవుతోంది. కాలెపు మధు - వెంకట్ రెడ్డి నిర్మించిన ఈ సినిమాకి కృష్ణవంశీ దర్శకత్వం వహించారు. రాహుల్ సిప్లి గంజ్ - శివాత్మిక కూడా జంటగా నటించిన ఈ సినిమా నుంచి కొంతసేపటి క్రితం లిరికల్ సాంగును రిలీజ్ చేశారు. 

'పొదల పొదల గట్ల నడుమ లగోరంగ లగోరే ... పొడుస్తుంటే చందమామ లగోరంగ లగోరే' అంటూ ఈ పాట సాగుతోంది. ఇళయరాజా స్వరపరిచిన ఈ పాటకి కాసర్ల శ్యామ్ సాహిత్యాన్ని అందించాడు. రాహుల్ సిప్లి గంజ్ ఈ పాటను ఆలపించాడు. నేను అనే అహంభావాన్ని ... నాది అనే స్వార్థాన్ని విడిచిపెట్టి చూడు, జీవితం చాలా అందంగా కనిపిస్తుంది" అనే అర్థంలో ఈ పాట సాగుతోంది.

టైటిల్ ను బట్టే ఇది ఒక నాటకరంగానికి చెందిన వ్యక్తి చుట్టూ తిరిగే కథ అనే విషయం అర్థమవుతోంది. ఇప్పటికే ఈ సినిమా నుంచి వదిలిన సీతారామశాస్త్రి పాట సాహిత్యం పరంగా పాప్యులర్ అయింది. చాలా గ్యాప్ తరువాత కృష్ణవంశీ నుంచి వస్తున్న సినిమా కావడంతో సహజంగానే అంచనాలు ఉన్నాయి.     

More Telugu News