ఫెన్సింగ్ ను ఇరిచేసి వెళ్లిపోయిన మొసలి

మొసలి నీటి లోపల ఎంత బలవంతమైనదో ప్రత్యేకంగా చెప్పక్కర్లేదు. కానీ, నీటి బయట కూడా అది తన బలప్రదర్శన చేస్తే? బలమైన ఇనుప ఊచలతో వేసిన ఫెన్సింగ్ ను ఇరిచేస్తే..? అలాంటి ఓ ఘటన ఫ్లోరిడాలో చోటు చేసుకుంది. ఓ మొసలి ఒక వైపు నుంచి మరోవైపు వెళ్లేందుకు అడ్డుగా ఉన్న ఫెన్సింగ్ ఊచలను వంచేసి అందులో నుంచి దూరిపోవడాన్ని వీడియోలో గమనించొచ్చు.

సాంకేతికంగా ఇది డైనోసార్ అంటూ ఓ యూజర్ ఈ వీడియోకి కామెంట్ పెట్టాడు. ఫెన్సింగ్ ను బెండ్ చేసే సమయంలో కొంత ఇబ్బంది ఎదురైనా మొసలి వెనక్కి తగ్గలేదు. ప్రయత్నించి మరీ సక్సెస్ కావడాన్ని గమనించొచ్చు. ఇలాంటివి చాలా అరుదుగానే కనిపిస్తుంటాయి. ఓ నెటిజన్ ఈ వీడియోని షేర్ చేశారు. దీన్ని 20 లక్షల మంది చూశారు.