కుప్పం వరదరాజస్వామికి ప్రత్యేక పూజలతో ప్రారంభం కానున్న లోకేశ్ పాదయాత్ర
- జనవరి 27 నుంచి లోకేశ్ పాదయాత్ర
- 400 రోజుల పాటు 4 వేల కిలోమీటర్ల మేర పాదయాత్ర
- కుప్పం నుంచి ప్రారంభం
- కుప్పం నియోజకవర్గంలో 29 కిలోమీటర్లు నడవనున్న లోకేశ్
టీడీపీ జాతీయ ప్రధాన కార్యదర్శి నారా లోకేశ్ యువగళం పేరుతో సుదీర్ఘ పాదయాత్ర చేపడుతున్న సంగతి తెలిసిందే. 400 రోజులు 4 వేల కిలోమీటర్లు కొనసాగనున్న ఈ పాదయాత్ర జనవరి 27న ప్రారంభం కానుంది. కాగా, పాదయాత్రకు ముందు లోకేశ్ కుప్పం వరదరాజస్వామి ఆలయంలో ప్రత్యేక పూజలు చేయనున్నారు. ఈ నెల 27 మధ్యాహ్నం 12 గంటలకు లోకేశ్ పాదయాత్ర షురూ కానుంది. అనంతరం సాయంత్రం 4:45 గంటలకు పార్టీ ఆఫీస్ నుండి ప్రజలనుద్దేశించి ప్రసంగిస్తారు. కుప్పం నియోజకవర్గంలో మూడ్రోజుల పాటు 29 కిలోమీటర్ల మేర ఆయన పాదయాత్ర కొనసాగనుంది.
