Adivi Sesh: 'ఉరికే ఉరికే మనసే ఉరికే' .. 'హిట్ 2' సాంగ్ రిలీజ్

గతంలో విష్వక్సేన్ హీరోగా 'హిట్' సినిమాను నిర్మించిన నాని, ఇప్పుడు అడివి శేష్ హీరోగా 'హిట్ 2' సినిమాను నిర్మించాడు. క్రైమ్ థ్రిల్లర్ జోనర్లో ఈ సినిమా రూపొందింది. అడివి శేష్ జోడీగా మీనాక్షి చౌదరి నటించిన ఈ సినిమాకి ఎం.ఎం.శ్రీలేఖ సంగీతాన్ని సమకూర్చారు. తాజాగా ఈ సినిమా నుంచి సాంగ్ లాంచ్ ఈవెంటును హైదరాబాదులోని మల్లారెడ్డి ఇంజనీరింగ్ కాలేజ్ ఆడిటోరియంలో నిర్వహించారు.

ఈ వేదికపై అడివి శేష్ మాట్లాడుతూ .. "నేను 'మేజర్' చేస్తున్న సమయంలోనే 'హిట్ 2' ప్రాజెక్టు వచ్చింది. క్రైమ్ థ్రిల్లర్ నేపథ్యంలో ఈ కథ నడుస్తుందని చెప్పేసి శైలేశ్ కొలను వినిపించాడు. ఈ సినిమాలో నేను సిన్సియర్ పోలీస్ ఆఫీసర్ గా కనిపిస్తాను. నా డైలాగ్ డెలివరీలో కాస్త వెటకారం ఉండేలా ఆ పాత్రను శైలేశ్ కొలను డిజైన్ చేశాడు. అందువలన ఆ పాత్ర మీకు ఇంకాస్త కొత్తగా అనిపిస్తుంది" అన్నాడు. 

థ్రిల్లర్ నేపథ్యంలో కథలను చేయడం నాకు అలవాటే. కాకపోతే క్యారెక్టరైజేషన్ లోని కొత్తదనం వలన, ఈ పాత్రకు నేను సెట్ అవుతానా? అనే డౌటు వచ్చింది. నువ్వు మాత్రమే సెట్ అవుతావు అంటూ నాతో శైలేశ్ ఈ పాత్రను చేయించాడు. ప్రస్తుతం నాని 'దసరా' సినిమా పనులతో బిజీగా ఉన్నారు. ఆయన నిర్మించిన 'హిట్ 2' సినిమా డిసెంబర్ 2వ తేదీన రిలీజ్ అవుతుంది" అంటూ చెప్పుకొచ్చాడు.