'జిన్నా' రిలీజ్ విషయంలో క్లారిటీ ఇచ్చిన మంచు విష్ణు!

మంచు విష్ణు హీరోగా 'జిన్నా' సినిమా రూపొందింది. ఆయన సొంత బ్యానర్లో ఈ సినిమా నిర్మితమైంది. సూర్య ఈ సినిమాకి దర్శకత్వం వహించాడు. ఈ సినిమా అక్టోబర్ 5వ తేదీన విడుదలవుతుందనే ప్రచారం జోరుగా జరుగుతోంది. ఈ నేపథ్యంలో ఈ సినిమా రిలీజ్ డేట్ విషయంలో క్లారిటీ ఇవ్వడం కోసం మంచు విష్ణు ప్రెస్ మీట్ ను ఏర్పాటు చేశారు. 

ఈ సందర్భంగా ఆయన మాట్లాడుతూ .. "ఈ సినిమా రిలీజ్  డేట్ విషయంలో కొంత కన్ఫ్యూజన్ ఉంది. అందువల్లనే క్లారిటీ ఇద్దామని వచ్చాను. అక్టోబర్ 5వ తేదీన ట్రైలర్ ను రిలీజ్ చేస్తాము. 21వ తేదీన సినిమా రిలీజ్ అవుతుంది. ఈ సినిమా కోసం మేమంతా ఎంతగానో కష్టపడ్డాం. మా కష్టానికి తగినట్టుగా సినిమా ఆడుతుందనే నమ్మకం ఉంది. ఈ రోజు నుంచి ఈ సినిమా ప్రమోషన్స్ స్పీడ్ పెంచుతున్నాం" అంటూ చెప్పుకొచ్చారు. 

జి. నాగేశ్వర రెడ్డి మూలకథను అందించిన ఈ సినిమాకి కోన వెంకట్ స్క్రీన్ ప్లేను అందించారు. విష్ణు సరసన నాయికలుగా సన్నీ లియోన్ .. పాయల్ అలరించనున్నారు. సునీల్ .. వెన్నెల కిశోర్ ముఖ్యమైన పాత్రలలో కనిపించనున్నారు. దేవిశ్రీ ప్రసాద్ అందించిన సంగీతం ఈ సినిమాకి హైలైట్ గా నిలుస్తుందని అంటున్నారు.