President Of India: రాష్ట్రప‌తి ముర్ముతో చీఫ్ జస్టిస్ ఎన్వీ ర‌మ‌ణ దంపతులు... ఫొటో ఇదిగో

భార‌త రాష్ట్రప‌తిగా ఇటీవ‌లే ప‌ద‌వీ ప్ర‌మాణం చేసిన ద్రౌప‌ది ముర్మును సోమ‌వారం రాష్ట్రప‌తి భ‌వ‌న్‌లో ప‌లువురు ప్ర‌ముఖులు క‌లిశారు. భార‌త రాష్ట్రప‌తిగా ఎన్నికైనందుకు ఆమెకు అభినంద‌న‌లు తెలిపారు. ఈ క్రమంలో సుప్రీంకోర్టు ప్ర‌ధాన న్యాయ‌మూర్తి జ‌స్టిస్ నూత‌ల‌పాటి వెంక‌ట ర‌మ‌ణ స‌తీ స‌మేతంగా సోమ‌వారం సాయంత్రం రాష్ట్రప‌తి భ‌వ‌న్‌కు వెళ్లారు. రాష్ట్రప‌తి ముర్మును త‌న అర్ధాంగితో క‌లిసి ఆయ‌న అభినందించారు. ఈ ఫొటోల‌ను రాష్ట్రప‌తి భ‌వ‌న్ వ‌ర్గాలు సోష‌ల్ మీడియాలో విడుద‌ల చేశాయి. ఇదిలా ఉంటే... ప‌లు రాష్ట్రాల‌కు చెందిన గ‌వ‌ర్న‌ర్లు, ప‌లువురు కేంద్ర మంత్రులు కూడా సోమ‌వారం ద్రౌప‌ది ముర్మును క‌లిసి అభినంద‌న‌లు తెలిపారు.