alcohol: ఆల్కహాల్ తో యువతకే ఎక్కువ రిస్క్ అంటున్న తాజా అధ్యయనం
- 15-39 ఏళ్ల వయసులోని వారికి అధిక రిస్క్
- 40 ఏళ్లపైన వయసు వారికి ఆరోగ్య ప్రయోజనాలు
- యువత ఆల్కహాల్ కు దూరంగా ఉండాలని సూచన
మద్యపానం వల్ల కలిగే అనర్థాలను ఎన్నో పరిశోధనలు, అధ్యయనాలు వెలుగులోకి తీసుకొచ్చాయి. కానీ, వినియోగం ఏ మాత్రం తగ్గలేదు. సరికదా ఏటేటా పెరుగుతూ వెళుతోంది. ప్రపంచవ్యాప్తంగా ఆధునిక సమాజంలో మద్యపాన సేవనం సాధారణంగా మారిపోయింది ఈ క్రమంలో యువతకు కనివిప్పు కలిగించే ఒక అధ్యయన ఫలితాలు వెలువడ్డాయి.
ఇక ప్రపంచవ్యాప్తంగా 204 దేశాల్లో 134 కోట్ల మంది 2020లో ఆల్కహాల్ సేవించినట్టు అంచనా. హానికారక స్థాయిలో మద్యం సేవిస్తోంది 15-39 మధ్య వయసులోని వారే ఎక్కువగా ఉంటున్నట్టు తెలిసింది. ఆల్కహాల్ సేవనంతో ఎటువంటి ఆరోగ్య ప్రయోజనాలు లేవన్న ఈ అధ్యయనం, అధిక హెల్త్ రిస్క్ లకు దారితీస్తుందని హెచ్చరించింది.