అప్పటి వరకూ ఆందోళనలకు విరామం.. సీజేపీ కీలక ప్రకటన
- దీపావళి వరకు ఆందోళనలు నిలిపివేయాలని కార్యకర్తలకు సీజేపీ పిలుపు
- పండుగను కుటుంబ సభ్యులతో జరుపుకోవాలని సూచన
- సీఈసీ రాజీనామా కోసం చేస్తున్న పోరాటాలపై కుటుంబాలు ఆందోళన చెందుతున్నాయని వెల్లడి
- దసరాకు బొద్దింక దిష్టిబొమ్మ దహనం తమ పార్టీకి ఉచిత ప్రచారమన్న అభిజీత్
ప్రధాన ఎన్నికల కమిషనర్ (సీఈసీ) రాజీనామా చేయాలని డిమాండ్ చేస్తూ చేపట్టిన ఆందోళనలను దీపావళి వరకు తాత్కాలికంగా విరమించాలని కాక్రోచ్ జనతా పార్టీ (సీజేపీ) వ్యవస్థాపకుడు అభిజీత్ దీప్కే తన మద్దతుదారులకు పిలుపునిచ్చారు. పండుగ సమయంలో కార్యకర్తలు తమ కుటుంబ సభ్యులతో గడపాలని ఆయన సూచించారు.
నిరసనల్లో పాల్గొంటున్న యువత క్షేమం పట్ల వారి కుటుంబ సభ్యులు ఆందోళన చెందుతున్నారని అభిజీత్ పేర్కొన్నారు. తన కుటుంబంతో పాటు, ప్రస్తుతం జ్యుడీషియల్ కస్టడీలో ఉన్న పార్టీ నేతలు సౌరవ్ దాస్, అశుతోష్‌ల కుటుంబాలు కూడా ఆవేదనతో ఉన్నాయని, అందుకే ఈ నిర్ణయం తీసుకున్నట్లు ఆయన వివరించారు.
మరోవైపు, దసరా పండుగను పురస్కరించుకుని ఢిల్లీలోని రామ్‌లీలా మైదానంలో రావణ, కుంభకర్ణ, ఇంద్రజిత్తుల దిష్టిబొమ్మలతో పాటు 30 అడుగుల భారీ బొద్దింక దిష్టిబొమ్మను కూడా దహనం చేయాలని రామ్‌లీలా కమిటీ నిర్ణయించింది. 'స్వచ్ఛ భారత్/స్వచ్ఛ ఢిల్లీ' కార్యక్రమంలో భాగంగా ఈ నిర్ణయం తీసుకున్నట్లు కమిటీ వెల్లడించింది.
ఈ విషయంపై స్పందించిన అభిజీత్ దీప్కే, తమ పార్టీకి ఉచిత ప్రచారం కల్పిస్తున్నందుకు రామ్‌లీలా కమిటీకి ధన్యవాదాలు తెలుపుతున్నామంటూ వ్యంగ్యంగా వ్యాఖ్యానించారు.
నిరసనల్లో పాల్గొంటున్న యువత క్షేమం పట్ల వారి కుటుంబ సభ్యులు ఆందోళన చెందుతున్నారని అభిజీత్ పేర్కొన్నారు. తన కుటుంబంతో పాటు, ప్రస్తుతం జ్యుడీషియల్ కస్టడీలో ఉన్న పార్టీ నేతలు సౌరవ్ దాస్, అశుతోష్‌ల కుటుంబాలు కూడా ఆవేదనతో ఉన్నాయని, అందుకే ఈ నిర్ణయం తీసుకున్నట్లు ఆయన వివరించారు.
మరోవైపు, దసరా పండుగను పురస్కరించుకుని ఢిల్లీలోని రామ్‌లీలా మైదానంలో రావణ, కుంభకర్ణ, ఇంద్రజిత్తుల దిష్టిబొమ్మలతో పాటు 30 అడుగుల భారీ బొద్దింక దిష్టిబొమ్మను కూడా దహనం చేయాలని రామ్‌లీలా కమిటీ నిర్ణయించింది. 'స్వచ్ఛ భారత్/స్వచ్ఛ ఢిల్లీ' కార్యక్రమంలో భాగంగా ఈ నిర్ణయం తీసుకున్నట్లు కమిటీ వెల్లడించింది.
ఈ విషయంపై స్పందించిన అభిజీత్ దీప్కే, తమ పార్టీకి ఉచిత ప్రచారం కల్పిస్తున్నందుకు రామ్‌లీలా కమిటీకి ధన్యవాదాలు తెలుపుతున్నామంటూ వ్యంగ్యంగా వ్యాఖ్యానించారు.
