చండీగఢ్‌లో హోలీ వేడుక‌.. ద‌త్త‌న్న‌తో కలిసి పంజాబ్, హర్యానా సీఎంల సంబ‌రాలు

దేశంలో రంగుల కేళి హోలీ వేడుక‌లు మొద‌లైపోయాయి. దేశ‌వ్యాప్తంగా ప‌లు రాష్ట్రాల్లో ఈ వేడుక‌లు ఉల్లాసంగా సాగుతున్నాయి. ఈ సంద‌ర్భంగా హ‌ర్యానా, పంజాబ్ ఉమ్మ‌డి రాజ‌ధాని చండీగ‌ఢ్‌లో జ‌రిగిన వేడుక‌ల్లో హ‌ర్యానా గ‌వ‌ర్న‌ర్‌ బండారు ద‌త్తాత్రేయ‌, రెండు రాష్ట్రాల సీఎంలు మనోహర్ లాల్ ఖ‌ట్ట‌ర్‌, భ‌గ‌వంత్ మాన్ లు ఉమ్మ‌డిగా వేడుక‌ల్లో పాలుపంచుకున్నారు.

ఈ సంద‌ర్భంగా బీజేపీకి చెందిన‌ ఖ‌ట్ట‌ర్, ఆప్‌కు చెందిన భ‌గ‌వంత్ మాన్ ఒక‌రికొక‌రు రంగులు పూసుకుని వేడుక చేసుకున్నారు. అదే స‌మ‌యంలో బండారు ద‌త్తాత్రేయ కూడా ఈ వేడుక‌ల్లో ఉత్సాహంగా పాలుపంచుకున్నారు. ఈ సంద‌ర్భంగా రెండు వేర్వేరు పార్టీల‌కు చెందిన నేత‌లు ఉల్లాసంగా వేడుక‌ల్లో పాలుపంచుకున్న వైనం అంద‌రినీ ఆక‌ట్టుకుంది.