కొత్త సినిమా కోసం మూడు విభిన్నమైన గెటప్పుల్లో బాలకృష్ణ!

బాలకృష్ణ తాజా చిత్రంగా ప్రేక్షకుల ముందుకు రావడానికి 'అఖండ' సిద్ధమవుతోంది. మిర్యాల రవీందర్ రెడ్డి నిర్మించిన ఈ సినిమాకి, బోయపాటి దర్శకత్వం వహించాడు. 'సింహా' .. 'లెజెండ్' తరువాత ఈ ఇద్దరి కాంబినేషన్లో వస్తున్న సినిమా కావడంతో, సహజంగానే భారీ అంచనాలు ఉన్నాయి.

ఇక ఆ తరువాత సినిమాను అనిల్ రావిపూడితో చేయనున్నాడని కొందరు అంటుంటే, గోపీచంద్ మలినేనితో సెట్స్ పైకి వెళ్లనున్నాడని మరి కొందరు చెబుతున్నారు. ఈ సినిమాకి సంబంధించిన పనులలోనే గోపీచంద్ మలినేని ఉన్నాడని అంటున్నారు. ఈ సినిమాలో ఆయన బాలకృష్ణను మూడు విభిన్నమైన గెటప్పులలో చూపించనున్నాడట.

మైత్రీ మూవీ మేకర్స్ వారు నిర్మించే ఈ సినిమాలో కథానాయికగా ఇలియానాను గానీ .. త్రిషను గాని తీసుకునే అవకాశాలు ఉన్నాయని చెబుతున్నారు. మొదటి నుంచి కూడా బాలకృష్ణకి మాస్ ఇమేజ్ ఎక్కువ. మాస్ ఆడియన్స్ ఆశించే అంశాలు ఈ సినిమాలో పుష్కలంగా ఉంటాయని చెబుతున్నారు.