ధనుశ్ హీరోగా 'మారన్' .. ఫస్టులుక్ రిలీజ్!

28-07-2021 Wed 18:34
  • ధనుశ్ నుంచి 43వ సినిమా 
  • 'మారన్' టైటిల్ ఖరారు 
  • యాక్షన్ ప్రధానంగా సాగే కథ 
  • త్వరలో మిగతా వివరాలు
Maaran first look released

తమిళంలో విభిన్నమైన కథలకు .. పాత్రలకు ప్రాధాన్యతనిచ్చే హీరోగా ధనుశ్ కనిపిస్తాడు. ఒక వైపున తనకి గల మాస్ ఇమేజ్ ను కాపాడుకుంటూనే ఆయన కొత్త కథలను ఎంచుకుంటూ ఉంటాడు. అలా ఈ మధ్య కాలంలో ఆయన చేసిన 'అసురన్' .. 'కర్ణన్' చిత్రాలు అక్కడ మంచి ఫలితాలను దక్కించుకున్నాయి.

ధనుశ్ చేసిన మరో సినిమా విడుదలకు ముస్తాబవుతూ ఉండగానే, ఆయన మరో ప్రాజెక్టును పట్టాలెక్కించాడు. ఈ సినిమాకి కార్తీక్ నరేన్ దర్శకత్వం వహిస్తున్నాడు. ఈ రోజున ధనుశ్ పుట్టినరోజు కావడంతో.. ఈ సినిమాకి 'మారన్' అనే టైటిల్ ను ఖరారు చేసి, ఫస్టులుక్ పోస్టర్ ను విడుదల చేశారు. ఈ పోస్టర్లో ధనుశ్ యాక్షన్ లుక్ ఆకట్టుకునేలా ఉంది.

'అతని ధైర్యమే అతని ఆయుధం' అంటూ ధనుశ్ పాత్రను గురించి కార్తీక్ నరేన్ హింట్ ఇచ్చాడు. కెరియర్ పరంగా ధనుశ్ కి ఇది 43వ సినిమా. అర్జున్ - త్యాగరాజన్ నిర్మిస్తున్న ఈ సినిమాకి, జీవీ ప్రకాశ్ కుమార్ సంగీత దర్శకుడిగా వ్యవహరిస్తున్నాడు. త్వరలో మిగతా వివరాలు తెలియనున్నాయి.