AR Rehman: తన బయోపిక్ తీయాలని పి.సుశీల నన్ను కోరారు: ఏఆర్ రెహ్మాన్
తన బయోపిక్ ను తెరకెక్కించాలంటూ ఆస్కార్ అవార్డు గ్రహీత, సంగీత దర్శకుడు ఏఆర్ రెహ్మాన్ ను లెజెండరీ సింగర్ పి.సుశీల కోరారు. వివరాల్లోకి వెళ్తే, '99 సాంగ్స్' అనే చిత్రంతో రెహ్మాన్ స్క్రీన్ రైటర్ గా మారారు. ఈ చిత్రంలో ఇహన్ భట్, ఎడిల్సీ వర్గాస్ ప్రధాన పాత్రలను పోషించగా... విశ్వేశ్ కృష్ణమూర్తి దర్శకత్వం వహించారు. ఈ చిత్రానికి చెందిన తెలుగు, తమిళం, హిందీ వర్షన్లు జియో సినిమా, నెట్ ఫ్లిక్స్ లలో ప్రసారమవుతున్నాయి.
ఈ చిత్రాన్ని చూసిన పి.సుశీల ప్రశంసలు కురిపించారట. ఈ విషయాన్ని ఓ ఇంటర్వ్యూలో రెహ్మాన్ స్వయంగా చెప్పారు. ఇటీవలే తాను సుశీలమ్మతో మాట్లాడానని... '99 సాంగ్స్' సినిమా చూశారా? అని అడిగానని తెలిపారు. సినిమాను చూడకపోతే నెట్ ఫ్లిక్స్ లో చూడాలని చెప్పానని... ఆ సమయంలో ఆమె పక్కనే ఉన్న ఆమె సోదరుడికి ఈ సినిమా తెలుగు వర్షన్ ను ఆమెకు చూపించాలని కోరానని చెప్పారు.
సినిమా చూసిన తర్వాత సుశీలమ్మ తనను పిలిపించుకున్నారని... చిత్ర బృందంపై ప్రశంసలు కురిపించారని తెలిపారు. ఈ సందర్భంగా '99 సాంగ్స్' మాదిరి తన బయోపిక్ కూడా తీయాలని ఆమె తనను కోరారని చెప్పారు. మరి సుశీలమ్మ కోరికను రెహ్మాన్ ఎప్పుడు నెరవేరుస్తారో వేచి చూడాలి.
ఈ చిత్రాన్ని చూసిన పి.సుశీల ప్రశంసలు కురిపించారట. ఈ విషయాన్ని ఓ ఇంటర్వ్యూలో రెహ్మాన్ స్వయంగా చెప్పారు. ఇటీవలే తాను సుశీలమ్మతో మాట్లాడానని... '99 సాంగ్స్' సినిమా చూశారా? అని అడిగానని తెలిపారు. సినిమాను చూడకపోతే నెట్ ఫ్లిక్స్ లో చూడాలని చెప్పానని... ఆ సమయంలో ఆమె పక్కనే ఉన్న ఆమె సోదరుడికి ఈ సినిమా తెలుగు వర్షన్ ను ఆమెకు చూపించాలని కోరానని చెప్పారు.
సినిమా చూసిన తర్వాత సుశీలమ్మ తనను పిలిపించుకున్నారని... చిత్ర బృందంపై ప్రశంసలు కురిపించారని తెలిపారు. ఈ సందర్భంగా '99 సాంగ్స్' మాదిరి తన బయోపిక్ కూడా తీయాలని ఆమె తనను కోరారని చెప్పారు. మరి సుశీలమ్మ కోరికను రెహ్మాన్ ఎప్పుడు నెరవేరుస్తారో వేచి చూడాలి.
