Prabhas: 'సలార్' చిత్రంలో జ్యోతిక కీలక పాత్ర?

ప్రభాస్ .. ప్రశాంత్ నీల్ కాంబినేషన్లో 'సలార్' సినిమా రూపొందుతోంది. భారీ బడ్జెట్ తో పాన్ ఇండియా సినిమాగా ఇది నిర్మితమవుతోంది. ఈ సినిమాలో తండ్రీ కొడుకులుగా ప్రభాస్ కనిపించనున్నాడనే వార్త అందరిలో మరింత ఆసక్తికి కారణమైంది. ఇక ప్రభాస్ సోదరిగా రమ్యకృష్ణ కనిపించనుందనే టాక్ అందరిలో ఆత్రుతను పెంచింది. రమ్యకృష్ణ పాత్ర ఎలా ఉండనుంది? అనే కుతూహలం అందరిలో పెరుగుతూ వచ్చింది. కానీ ఆ వార్తలో నిజం లేదని తెలుస్తోంది. ప్రభాస్ సోదరి పాత్ర కోసం 'జ్యోతిక'ను సంప్రదించారని అంటున్నారు.

ఈ సినిమా కోసం ఇటీవల జ్యోతికను కలిసి, ఆమె పోర్షన్ ను చదివి వినిపించడం జరిగిందని చెబుతున్నారు. సాధారణంగా పాత్ర ఏ మాత్రం నచ్చినా, పాన్ ఇండియా సినిమాను ఎవరూ వదులుకోరు. అందువలన ఈ సినిమాకి జ్యోతిక ఓకే చెప్పడం ఖాయమనే అనుకుంటున్నారు. ప్రభాస్ సరసన నాయికగా శ్రుతి హసన్ నటిస్తున్న ఈ సినిమా, వచ్చే ఏడాదిలోనే ప్రేక్షకులను పలకరించనుంది. 'రాధే శ్యామ్' తరువాత ఈ సినిమా థియేటర్లకు రానుంది. ఆ తరువాత 'ఆదిపురుష్' ప్రాజెక్టుపైనే ప్రభాస్ పూర్తి దృష్టి పెట్టనున్నాడు.