Priyanka Chopra: ప్రియాంక చోప్రా కొత్త వ్యాపారం... అమెరికాలో రెస్టారెంట్ ప్రారంభం

సినీ తారలు వ్యాపారాలు చేయడం కొత్తేమీ కాదు. బాలీవుడ్ లోనే కాకుండా హాలీవుడ్ లోనూ గుర్తింపు తెచ్చుకున్న ప్రియాంక చోప్రా తాజాగా రెస్టారెంట్ రంగంలో ప్రవేశించింది. న్యూయార్క్ లో 'సోనా' పేరుతో రెస్టారెంట్ ప్రారంభించింది. ఆ రెస్టారెంట్ కు నామకరణం చేసింది తన భర్త నిక్ జోనాస్ అని ప్రియాంక వెల్లడించింది.

ఈ రెస్టారెంట్ లో నోరూరించే భారతీయ వంటకాలను వండి వడ్డించనున్నారు. అయితే లండన్ లో ఉండడంతో ప్రియాంక తన రెస్టారెంట్ ప్రారంభోత్సవంలో పాల్గొనలేకపోయిందట. అందుకు ఎంతో బాధగా ఉందని పేర్కొంది. తన రెస్టారెంట్ కు సంబంధించిన ఫొటోలను సోషల్ మీడియాలో పంచుకుంది.