Balakrishna: నంద్యాల పరిసరాల్లో బాలకృష్ణ సినిమా షూటింగు?
- బాలకృష్ణ, బోయపాటి కాంబోలో మూడో సినిమా
- ఇటీవల రామోజీ ఫిలిం సిటీలో షూటింగ్
- నంద్యాల పరిసరాల్లో యాక్షన్ దృశ్యాల చిత్రీకరణ
కొన్ని కాంబినేషన్లకి అటు ప్రేక్షకుల్లోనూ.. ఇటు బిజినెస్ వర్గాలలోనూ ఓ క్రేజ్ ఉంటుంది. బాలకృష్ణ, బోయపాటి కాంబినేషన్ కూడా అలాంటిదే. గతంలో వీరిద్దరి కలయికలోను వచ్చిన రెండు చిత్రాలూ సూపర్ హిట్స్ అవ్వడం వల్ల ఈ కాంబోకి ఓ ప్రత్యేకత ఏర్పడింది. అలాంటి ఈ కలయికలో ఇప్పుడు మూడో చిత్రం వస్తున్న సంగతి తెలిసిందే. ఇంకా పేరు నిర్ణయించని ఈ యాక్షన్ ఎంటర్ టైనర్ కోసం ఇటీవల కొన్ని రోజులపాటు హైదరాబాదు రామోజీ ఫిలిం సిటీలో షూటింగ్ చేశారు.
తదుపరి షెడ్యూలును కథ ప్రకారం వారణాసిలో నిర్వహిస్తారని వార్తలొచ్చాయి. అయితే, తాజాగా వారణాసి షెడ్యూలును కేన్సిల్ చేసినట్టుగా తెలుస్తోంది. ఈ క్రమంలో మరో షెడ్యూలును నంద్యాల పరిసరాల్లో నిర్వహించడానికి ప్లాన్ చేస్తున్నట్టు సమాచారం. త్వరలో నంద్యాల ప్రాంతంలో కొన్ని కీలకమైన యాక్షన్ దృశ్యాలను చిత్రీకరిస్తారట. ప్రగ్య జైస్వాల్ కథానాయికగా నటిస్తున్న ఈ చిత్రానికి తమన్ సంగీతాన్ని సమకూరుస్తున్నాడు.
