బోయపాటి సినిమాలో సీనియర్ హీరోయిన్!

బాలకృష్ణను పవర్ ఫుల్ క్యారెక్టర్స్ లో ప్రెజంట్ చేయడంలో దర్శకుడు బోయపాటి శ్రీనుది ప్రత్యేకమైన శైలి. అందుకే, బాలకృష్ణ, బోయపాటి కాంబోకి ప్రేక్షకులలోను, సినీ ట్రేడ్ వర్గాలలోనూ ఓ క్రేజ్ వుంది. గతంలో వీరి కలయికలో వచ్చిన 'సింహా', 'లెజండ్' సినిమాలు భారీ విజయాలను నమోదు చేయడంతో ఈ కాంబినేషన్ పై భారీ అంచనాలు ఏర్పడ్డాయి. ఇప్పుడు వీరి కలయికలో వస్తున్న మూడో చిత్రంపై కూడా ప్రేక్షకులలో అలాంటి అంచనాలే వున్నాయి.

ఇక ఈ చిత్రంలో బాలయ్య రెండు విభిన్న పాత్రలను పోషిస్తున్నట్టు తెలుస్తోంది. ఇందులో సీనియర్ బాలకృష్ణ పాత్ర సరసన మీనా జోడీగా నటిస్తుందని ఆమధ్య వార్తలొచ్చాయి. అయితే, ఇప్పుడు కొత్తగా స్నేహ పేరు తెరపైకి వచ్చింది. హోమ్లీ హీరోయిన్ గా పేరుతెచ్చుకున్న స్నేహ అయితే, ఆ పాత్రకు బాగా సూటవుతుందన్న ఉద్దేశంతో బోయపాటి ఆమె వైపు మొగ్గు చూపుతున్నాడట. దీంతో ప్రస్తుతం ఆమెతో సంప్రదింపులు జరుపుతున్నట్టు సమాచారం.

లాక్ డౌన్ కి ముందుగా కొంత భాగం షూటింగ్ జరుపుకున్న ఈ చిత్రం తాజా షెడ్యూల్ త్వరలో హైదరాబాదులో ప్రారంభం కానుంది. రామోజీ ఫిలిం సిటీలో ప్రత్యేకంగా వేసిన సెట్స్ లో షూటింగ్ నిర్వహిస్తారని అంటున్నారు.