మనదేశంలో కల్చర్, అగ్రికల్చర్ రెండూ ఒకటే: పవన్ కల్యాణ్

భారతదేశ సంస్కృతిలో వ్యవసాయ విధానాలు కూడా ఓ భాగమేనని జనసేన పార్టీ అధ్యక్షుడు పవన్ కల్యాణ్ పేర్కొన్నారు. పంటలు చేతికొచ్చేవేళ పండుగలు చేసుకోవడం అందులో భాగమేనని తెలిపారు. మన కల్చర్, అగ్రికల్చర్ ఒకటేననే భావన పెంపొందించుకోవాలని పవన్ పిలుపునిచ్చారు. తాము ప్రకృతి వ్యవసాయంపై అవగాహన కార్యాచరణ చేపట్టామని, రాజకీయాలకు అతీతంగా జనసేన పార్టీ ప్రకృతి వ్యవసాయ విధానం అమలుకు కృషి చేస్తుందని తెలిపారు. ఈ మేరకు జనసేన పార్టీ సోషల్ మీడియాలో స్పందించింది. ఈ సందర్భంగా ప్రకృతి వ్యవసాయ నిపుణుడు, రైతు విజయరామ్ సూచనలను కూడా పొందుపరిచారు.