భార్య వదిలేసిన స్టార్ హీరోతో నేను డేటింగ్ చేశా: కంగనా

బాలీవుడ్ లో నెలకొన్న డ్రగ్స్ సంస్కృతిపై సినీనటి కంగనా రనౌత్ సంచలన వ్యాఖ్యలు చేసింది. డ్రగ్స్ సరఫరా చేసే వారిని విచారిస్తే... ఎంతో మంది స్టార్లు జైళ్లలో ఉంటారని వ్యాఖ్యానించింది. డ్రగ్స్ కి బానిస కావడం వల్ల ఓ స్టార్ హీరోకు ఆయన భార్య దూరమైందని తెలిపింది. భార్య నుంచి విడిపోయాక ఆ హీరోతో తాను డేటింగ్ చేశానని చెప్పింది. డ్రగ్స్ వల్ల ఆయన కుటుంబంలో గొడవలు కూడా వచ్చాయని... ఆయన కుటుంబ సభ్యులు తనను కూడా బెదిరించారని తెలిపింది.

బాలీవుడ్ లో 99 శాతం మంది డ్రగ్స్ వాడతారని కంగన బాంబు పేల్చింది. తనకు గురువుగా చెప్పుకునే  ఒక దర్శకుడే తనకు డ్రగ్స్ ను రుచి చూపించాడని తెలిపింది. కంగనా వ్యాఖ్యలు ఇప్పుడు కలకలం రేపుతున్నాయి. మరోవైపు, డ్రగ్స్ కోణంలో హీరోయిన్ రియా చక్రవర్తిని విచారిస్తున్న సంగతి తెలిసిందే.