Samanta: సినిమా కబుర్లు.. సంక్షిప్త సమాచారం 

*  కరోనాకి భయపడి అందరూ షూటింగులు వాయిదా వేసుకుంటుంటే కథానాయిక సమంత మాత్రం ధైర్యంగా షూటింగులో పాల్గొంది. ఈ కామర్స్ సంస్థ 'మింత్ర'కు తను బ్రాండ్ అంబాసడార్ గా వ్యవహరిస్తోంది. దీనికి సంబంధించిన వాణిజ్య చిత్రం షూటింగులో సమంత పాల్గొంటోంది. హైదరాబాదులోని ఓ స్టూడియోలో కరోనా నిబంధనల నడుమ షూటింగ్ చేస్తున్నారు.    
*  బాలకృష్ణ, బోయపాటి కలయికలో మూడో చిత్రం రూపొందుతోంది. ఇప్పటికే ఓ షెడ్యూలు షూటింగు పూర్తయింది. ఇదిలావుంచితే, ఈ చిత్రంలో ప్రధాన విలన్ పాత్రకు బాలీవుడ్ నటుడు  వివేక్ ఒబెరాయ్ ని తీసుకున్నట్టు తాజా సమాచారం.
*  నాగశౌర్య కథానాయకుడుగా సంతోష్ జాగర్లపూడి దర్శకత్వంలో ఇటీవల ఓ చిత్రం ప్రారంభమైన సంగతి విదితమే. నాగశౌర్య విలుకాడిగా నటిస్తున్న ఈ చిత్రం షూటింగ్ వచ్చే నెల మొదటి వారం నుంచి నిర్వహించడానికి ప్లాన్ చేస్తున్నారు.