మనవాళ్లకూ ఓ మణిరత్నం ఉన్నాడనుకుంటే... మీరేమో అంతా నా ఇష్టం అంటూ ఏమేమో చేస్తున్నారు: రామజోగయ్యశాస్త్రి

పవర్ స్టార్ బయోపిక్ అంటూ దర్శకుడు రామ్ గోపాల్ వర్మ మరో సంచలనానికి తెరదీసిన సంగతి తెలిసిందే. దీనిపై అప్పుడే స్పందనలు మొదలయ్యాయి. ప్రముఖ లిరిక్ రైటర్ రామజోగయ్యశాస్త్రి ట్విట్టర్ లో తన అభిప్రాయాలు వెల్లడించారు.

"ఒకప్పుడు నా చిన్నప్పుడు కాలేజీలో చదువుతున్నప్పుడు మిమ్మల్ని చూసి తెలుగువాళ్లకు కూడా ఓ మణిరత్నం ఉన్నాడనుకున్నాం... మీరేమో అంతా నా ఇష్టం అని చెప్పి ఏమేమో చేస్తున్నారు... పోండి సార్, మీతో కటీఫ్... నా వ్యాఖ్యలకు మీరేమీ బదులివ్వక్కర్లేదు... తెలివిగా ఏదో ఒకటి చెప్పేస్తారు.. నేను హర్టయ్యాను" అంటూ ట్వీట్ చేశారు.