Telangana: మహారాష్ట్ర నుంచి మధ్యప్రదేశ్ వైపుగా దూసుకెళుతున్న మిడతల దండు
- తెలంగాణకు తగ్గిన ముప్పు
- సరిహద్దులోని 9 జిల్లాల అధికారుల అప్రమత్తం
- ఈ నెల 20 తర్వాత తెలంగాణలోకి ప్రవేశించే అవకాశం
దేశంలోకి చొరబడిన మిడతల దండు ఇప్పుడు మహారాష్ట్ర నుంచి మధ్యప్రదేశ్ వైపు బయలుదేరింది. రాంటెక్ నుంచి బయలుదేరిన ఈ మిడతల సమూహం 60 కిలోమీటర్లు ప్రయాణించి మెహాడీ అనే గ్రామం వద్ద ఆగినట్టు అధికారులు తెలిపారు.
అసలు ఇవి దక్షిణం వైపు ప్రయాణించి తెలంగాణలోకి ప్రవేశించే అవకాశం ఉందని భావించారు. దీంతో సరిహద్దులోని 9 జిల్లాల అధికారులను తెలంగాణ ప్రభుత్వం అప్రమత్తం చేసింది. అయితే, అవి వ్యతిరేక దిశగా ప్రయాణించి మధ్యప్రదేశ్ వైపుగా సాగడంతో అధికారులు ఊపిరి పీల్చుకున్నారు.
అయితే, అవి మళ్లీ ఏ వైపునకు తిరిగి ఎటు వెళ్తాయోనని భావించిన అధికారులు సరిహద్దుల వద్ద నిఘా కొనసాగిస్తున్నారు. ఈ నెల 20 తర్వాత మిడతలు మళ్లీ రాష్ట్రం వైపుగా వచ్చే అవకాశం ఉందని భావించిన అధికారులు నియంత్రణ చర్యలు చేపట్టారు.
