మ్యూజిక్ టీచర్ గా కనిపించనున్న పూజ హెగ్డే

తెలుగులో పూజ హెగ్డే వరుస సినిమాలతో .. వరుస విజయాలతో దూసుకుపోతోంది. అఖిల్ జోడీగా ఆమె చేసిన 'మోస్ట్ ఎలిజబుల్ బ్యాచ్ లర్' సినిమా విడుదలకి ముస్తాబవుతూ ఉండగా, ప్రభాస్ సరసన చేస్తున్న సినిమా, ముగింపు దశలో వుంది. ఈ సినిమాకి 'రాధే శ్యామ్' .. 'ఓ  డియర్' అనే టైటిల్స్ ను పరిశీలిస్తున్నారు.

ఈ రొమాంటిక్ లవ్ స్టోరీలో పూజ హెగ్డే పాత్ర ఏమై ఉంటుందా అనే ఆసక్తి అభిమానుల్లో వుంది. ఈ సినిమాలో ఆమె మ్యూజిక్ టీచర్ గా కనిపించనుందట. కథ చాలా కాలం క్రితం జరుగుతుంది గనుక, అప్పటికి సంబంధించిన లుక్ తోనే పూజ కనిపించనుందని అంటున్నారు. ఇంతవరకూ పూజ చేసిన పాత్రలకి ఈ పాత్ర పూర్తి భిన్నంగా ఉంటుందని చెబుతున్నారు. యూవీ క్రియేషన్స్ వారితో కలిసి కృష్ణంరాజు నిర్మిస్తున్న ఈ సినిమాను, ఈ ఏడాది చివరిలో నాలుగు భాషల్లో విడుదల చేయనున్నారు.