Allu Arjun: అల్లు అర్జున్ పుట్టిన రోజున ఫస్టులుక్

అల్లు అర్జున్ అభిమానులంతా ఆయన తదుపరి సినిమా పట్ల ఆసక్తిని చూపుతున్నారు. అల్లు అర్జున్ తదుపరి సినిమాకి సుకుమార్ దర్శకత్వం వహించనున్నాడు. ఈ పాటికే ఈ సినిమా షూటింగులో బన్నీ పాల్గొంటూ ఉండవలసింది. కరోనా కారణంగానే షూటింగ్ వాయిదా పడింది.

ఈ నెల 8వ తేదీన అల్లు అర్జున్ పుట్టినరోజు. ఈ సందర్భాన్ని పురస్కరించుకుని, ఈ సినిమా నుంచి బన్నీ ఫస్టులుక్ ను రిలీజ్ చేయాలని నిర్ణయించుకున్నారట. ప్రస్తుతం అందుకు సంబంధించిన సన్నాహాలు జరుగుతున్నాయని అంటున్నారు. ఫొటో షూట్ ను పూర్తి చేసిన సుకుమార్, ఫస్టులుక్ పైనే కసరత్తు చేస్తున్నాడని సమాచారం. ఈ సినిమాలో అల్లు అర్జున్ లారీ డ్రైవర్ గా మాస్ లుక్ తో కనిపించనున్నాడనే టాక్ వినిపిస్తోంది.