సినిమా కబుర్లు.. సంక్షిప్త సమాచారం 

 *  రాజమౌళి దర్శకత్వంలో ఎన్టీఆర్, చరణ్ హీరోలుగా రూపొందుతున్న 'ఆర్ఆర్ఆర్' చిత్రం నుంచి కథానాయిక అలియా భట్ తప్పుకున్నట్టు ఇటీవల వార్తలొచ్చాయి. అయితే, ఇందులో వాస్తవం లేదనీ, డేట్స్ సమస్య వచ్చినప్పటికీ సర్దుబాటు చేసిందని అంటున్నారు. ఈ క్రమంలో ఈ చిత్రం కోసం జూన్ లో ఆమె డేట్స్ ఇచ్చిందట.  

*  నాగార్జున తన తదుపరి చిత్రంగా కల్యాణ్ కృష్ణ దర్శకత్వంలో 'బంగార్రాజు' చిత్రాన్ని చేయనున్న సంగతి విదితమే. ప్రస్తుతం ప్రీ ప్రొడక్షన్ పనులను జరుపుకుంటున్న ఈ చిత్రం షూటింగ్ వచ్చే నెలలో ప్రారంభం కావలసి వుంది. అయితే, కరోనా నేపథ్యంలో అందరూ షూటింగులు వాయిదా వేసుకుంటూ ఉండడంతో ఇది కూడా వాయిదా పడుతుందని అంటున్నారు.  

*  మెగా హీరో సాయి తేజ్ తమ్ముడు వైష్ణవ్ తేజ్ హీరోగా పరిచయం అవుతున్న 'ఉప్పెన' చిత్రం విడుదల వాయిదా పడినట్టు తెలుస్తోంది. ఏప్రిల్ 2న విడుదల కావలసిన ఈ చిత్రాన్ని ప్రస్తుతం అందర్నీ కలవరపెడుతున్న కరోనా వైరస్ వ్యాధి నేపథ్యంలో వాయిదా వేసుకున్నట్టు సమాచారం. దీనికి సుకుమార్ వద్ద పనిచేసిన సానా బుచ్చిబాబు దర్శకత్వం వహించాడు.