ప్రణయ్ హత్య కేసు విచారణ వాయిదా.. మారుతీరావు ఆత్మహత్య చేసుకున్నట్టు కోర్టుకు తెలిపిన పోలీసులు
- నల్గొండ జిల్లా ఎస్సీ, ఎస్టీ ప్రత్యేక కోర్టులో కేసు విచారణ
- కోర్టుకు హాజరుకాని అమృత బాబాయ్ శ్రవణ్
- తదుపరి విచారణ ఈ నెల 23కు వాయిదా
ఇరు తెలుగు రాష్ట్రాల్లో సంచలనం రేకెత్తించిన ప్రణయ్ పరువు హత్య కేసు విచారణ వాయిదా పడింది. నల్గొండ జిల్లా ఎస్సీ, ఎస్టీ ప్రత్యేక కోర్టులో ఈ రోజు ఈ కేసు విచారణ జరిగింది. విచారణ సందర్భంగా నిందితులు సుభాష్ శర్మ, అస్గర్ అలీలను పోలీసులు కోర్టులో హాజరుపరిచారు. మరోవైపు అమృత బాబాయ్ శ్రవణ్ కోర్టుకు హాజరుకాలేదు. కేసులో ఏ1 నిందితుడు, అమృత తండ్రి మారుతీరావు ఆత్మహత్య చేసుకున్నట్టు కోర్టుకు పోలీసులు తెలిపారు. ఈ నేపథ్యంలో, కేసు విచారణను ఈ నెల 23కు వాయిదా వేస్తున్నట్టు జడ్జి ప్రకటించారు.
