KCR: మున్సిపల్ ఎన్నికల ఫలితాలపై మీడియాతో మాట్లాడనున్న సీఎం కేసీఆర్

తెలంగాణలో మున్సిపల్ ఎన్నికల ఫలితాలు వెలువడుతున్నాయి. కారు జోరు ప్రదర్శిస్తుండడంతో టీఆర్ఎస్ పార్టీ శ్రేణుల ఆనందానికి పట్టపగ్గాల్లేకుండా పోయింది. ఈ నేపథ్యంలో సీఎం కేసీఆర్ మీడియా ముందుకు రానున్నారు. ఈ మధ్యాహ్నం 3 గంటలకు ఆయన తెలంగాణ భవన్ లో మీడియా సమావేశం నిర్వహించనున్నారు. ఎన్నికల ముందు వరకు టీఆర్ఎస్ కు తామే ప్రత్యామ్నాయమంటూ చెప్పుకొచ్చిన కాంగ్రెస్, బీజేపీలు ఫలితాల దగ్గరకు వచ్చేసరికి తీవ్ర నిరాశకు గురయ్యాయి. రాష్ట్రవ్యాప్తంగా టీఆర్ఎస్ హవానే అధికంగా వీచింది.