'టాక్సీవాలా' దర్శకుడితో నాని

నాని తాజా చిత్రంగా ప్రేక్షకుల ముందుకు రావడానికి 'వి' సిద్ధమవుతోంది. ఇంద్రగంటి మోహనకృష్ణ దర్శకత్వం వహిస్తున్న ఈ సినిమాలో నాని డిఫరెంట్ రోల్ చేస్తున్నాడు. తన కెరియర్లోనే ఈ పాత్ర ప్రత్యేకమైనదని ఆయన చెబుతున్నాడు. ఈ సినిమా తరువాత ప్రాజెక్టు అయిన 'టక్ జగదీశ్' సెట్స్ పై వుంది. ఈ సినిమా సెట్స్ పై ఉండగానే నాని మరో ప్రాజెక్టుకి గ్రీన్ సిగ్నల్ ఇచ్చాడని సమాచారం.

హీరో నితిన్ తో 'భీష్మ' .. 'రంగ్ దే' సినిమాలను ప్లాన్ చేసిన మైత్రీ మూవీ మేకర్స్ వారు, మరో రెండు ప్రాజెక్టులను పట్టాలెక్కించే పనిలో వున్నారు. వీటిలో ఒక సినిమాను నానితో చేయనున్నారు. ఈ సినిమాకి 'టాక్సీవాలా' దర్శకుడు రాహుల్ సంకృత్యన్ దర్శకత్వం వహించనున్నాడు. 'టక్ జగదీశ్' పూర్తికాగానే నాని ఈ కొత్త ప్రాజెక్టు పైకి వచ్చేస్తాడని అంటున్నారు. ఇందులో నాయిక ఎవరన్నది తెలియాల్సి వుంది.