జలాలాబాద్ లోని పాక్ ఎంబసీపై ఉగ్రదాడి!

ఆఫ్ఘనిస్థాన్ లోని జలాలాబాద్ నగరంలో ఉన్న పాకిస్థాన్ రాయబార కార్యాలయం ఎదుట గత రాత్రి ఉగ్రవాదులు భారీ పేలుడుకు పాల్పడ్డారు. ఈ ఘటనలో ఓ పోలీసు సహా, ముగ్గురు వ్యక్తులకు తీవ్ర గాయాలు కాగా, వారిని వెంటనే సమీపంలో ఉన్న ఆసుపత్రికి చికిత్స నిమిత్తం తరలించారు.

అయితే, తమ దేశ రాయబార కార్యాలయ అధికారులంతా క్షేమమేనని పాక్ విదేశీ వ్యవహారాల మంత్రిత్వశాఖ అధికార ప్రతినిధి ముహమ్మద్ ఫైజల్ ఓ ప్రకటనలో తెలిపారు. ఇదే సమయంలో వీసాల నిమిత్తం దరఖాస్తులు ఇచ్చేందుకు వచ్చిన ఇద్దరు పాక్ పౌరులకు గాయాలు అయ్యాయని తెలిపారు. రాయబార కార్యాలయం వద్ద భద్రతను మరింత కట్టుదిట్టం చేయాలని తాము ఆఫ్ఘన్ ప్రభుత్వాన్ని కోరామని ఫైజల్ తెలిపారు.