‘యాత్ర’ సినిమాలో సన్నిలియోన్.. వైరల్ గా మారిన ఫొటో.. వివరణ ఇచ్చిన మమ్ముట్టి ఫ్యాన్స్!

ఆంధ్రప్రదేశ్ మాజీ సీఎం దివంగత వైఎస్ రాజశేఖరరెడ్డి జీవితంపై ‘యాత్ర’ పేరుతో సినిమాను మహీ వి రాఘవ్ తెరకెక్కిస్తున్న సంగతి తెలిసిందే. ఈ సినిమాలో వైఎస్ పాత్రలో మలయాళం సూపర్ స్టార్ మమ్ముట్టి నటిస్తున్నారు. అయితే అచ్చం వైఎస్ వేషధారణలో ఉన్న మమ్ముట్టితో శృంగార తార సన్నీ లియోన్ ఉన్న ఫొటో ప్రస్తుతం సోషల్ మీడియాలో చక్కర్లు కొడుతోంది. ఈ నేపథ్యంలో ‘యాత్ర’ సినిమాలో సన్నీ నటిస్తోందని సోషల్ మీడియాలో ప్రచారం జరుగుతోంది.
ఈ ఫొటో సోషల్ మీడియాలో వైరల్ గా మారడంతో మమ్ముట్టి అభిమానులు స్పందించారు. మమ్ముట్టి హీరోగా ‘మధురరాజా’ అనే సినిమా తెరకెక్కుతోందని తెలిపారు. అందులో సన్నిలియోన్ కూడా నటిస్తోందన్నారు. ఈ ఫొటో యాత్ర సినిమాకు సంబంధించినది కాదని స్పష్టం చేశారు. కొందరు వ్యక్తులు ఈ ఫొటో యాత్ర సినిమాలోనిది అంటూ తప్పుడు ప్రచారం చేస్తున్నారనీ, వాటిని పట్టించుకోవద్దని అభిమానులకు విజ్ఞప్తి చేశారు.