Chandrababu: చంద్రబాబునాయుడిని నేను వేధిస్తున్నానట!: కేసీఆర్

చంద్రబాబునాయుడిని తాను వేధిస్తున్నానట, ఎవడు వేధిస్తున్నాడు? అని తెలంగాణ సీఎం కేసీఆర్ ప్రశ్నించారు. వనపర్తిలో జరిగిన ప్రజా ఆశీర్వాద సభలో ఆయన మాట్లాడుతూ, ‘నువ్వు (చంద్రబాబు) చక్కటి మనిషివని నిన్ను వేధిస్తున్నారు! ఓటుకు నోటు దొంగతనం నిజం కాదా? ఓ బుడ్డెరఖాన్ ని నువ్వు (చంద్రబాబు) పంపితివి..వాడు దొరికే! అది అబద్ధమా? నిజం కాదా? ఆ దొంగతనంలో నీ (చంద్రబాబు)  పాత్ర లేదా? నీ వాయిస్ రికార్డు లేదా?.. ఇంకా, నిన్ను ఏం వేధిస్తున్నారు బిడ్డా?’ అని ప్రశ్నల వర్షం కురిపించారు.