బంపర్ ఆఫర్ ప్రకటించిన వావ్ విమానయాన సంస్థ
- రూ.13,499లతో ఢిల్లీ నుంచి అమెరికా, కెనడాలకు ప్రయాణం
- ఈ నెల18 నుంచి 28వ తేదీల మధ్య టికెట్ల విక్రయం
- డిసెంబర్ నుంచి 2019 మార్చి మధ్య వినియోగం
ఈ ఆఫర్ ప్రకారం ఢిల్లీ నుంచి అమెరికా, కెనడాలకు కేవలం రూ.13,499కే ప్రయాణించవచ్చు. కాకపోతే ఈ నెల 18 నుంచి 28 లోగా టికెట్లను కొనుగోలు చేయాల్సివుంటుంది. ఐస్లాండ్ కేంద్రంగా పనిచేసే 'వావ్' ఎయిర్ ఈ ఆఫర్లను ప్రకటించింది. ఈ ఏడాది డిసెంబర్ నుంచి 2019 మార్చి మధ్యలో ప్రయాణాలకు ఈ ఆఫర్ వర్తిస్తుంది.
డిసెంబర్ 7న ఢిల్లీ నుంచి ఐస్లాండ్లోని సంస్థ ప్రధాన కేంద్రమైన రేజావిక్కు విమానాలను ప్రారంభించనున్నట్టు వావ్ ఎయిర్ తెలిపింది. ఉత్తర అమెరికా, ఐరోపాలను కలుపుతూ ఢిల్లీకి వారానికి మూడు సార్లు వావ్ ఎయిర్ విమానాలను నడపనుంది. జనవరి నుంచి వీటిని వారానికి ఐదు సార్లకు పెంచుతారు.
