క్యాచ్ అంటే ఇదీ... వీడియో చూడండి!
- నాలుగో టెస్టులో అద్భుతమైన క్యాచ్ పట్టిన డీన్ ఎల్గర్
- రబడా బౌలింగ్ లో భారీ షాట్ ఆడే యత్నం చేసిన పైన్
- అమాంతం గాల్లోకి లేచి బంతిని ఒడిసి పట్టిన ఎల్గర్
ఈ క్రమంలో పాట్ కమిన్స్ 50 (92బంతుల్లో) అర్ధశతకం సాధించిన అనంతరం 62వ ఓవర్ లో మహరాజ్ బౌలింగ్ లో ఎల్బీడబ్య్లూగా పెవిలియన్ చేరాడు. అప్పటికి ఏడు వికెట్లు కోల్పోయిన ఆసీస్ 195 పరుగులు చేసింది. అనంతరం ఒంటరిపోరాటం చేసిన పైన్ 62 పరుగుల వ్యక్తిగత స్కోరు వద్ద రబడా వేసిన బంతిని మిడ్ వికెట్ మీదుగా ఆడే ప్రయత్నం చేశాడు. దీనిని ఆపేందుకు పరుగెత్తిన ఎల్గర్ మెరుపు వేగంతో అమాంతం గాల్లోకి లేచి బంతిని ఒడిసిపట్టాడు. దీంతో 221 పరుగుల వద్ద ఆసీస్ ఇన్నింగ్స్ ముగిసింది. ఎవరూ ఊహించని విధంగా బంతిని క్యాచ్ పట్టేయడంతో అభిమానులు కేరింతలు కొట్టారు. దీనికి సంబంధించిన వీడియో సోషల్ మీడియాలో వైరల్ అవుతోంది. దానిని మీరు కూడా చూడండి.
