వైరల్... సోషల్ మీడియాలో 'అజ్ఞాతవాసి' షూటింగ్ వీడియో!

పవర్ స్టార్ పవన్ కల్యాణ్, తన 25వ చిత్రంలో త్రివిక్రమ్ శ్రీనివాస్ దర్శకత్వంలో 'అజ్ఞాతవాసి'గా వస్తున్నాడన్న సంగతి తెలిసిందే. ఈ సినిమా నిర్మాతలకు ఆందోళన కలిగిస్తూ, సినిమా షూటింగ్ కు సంబంధించిన చిన్న వీడియో బిట్, ఫోటోలు ఇప్పుడు లీక్ అయ్యాయి. ఇవి ఆన్ లైన్లో ఇప్పుడు వైరల్. ఓ సాఫ్ట్ వేర్ కంపెనీ ఆఫీసు వద్ద సినిమా షూటింగ్ జరుగుతున్నప్పుడు ఈ వీడియో తీసినట్టు సమాచారం. ఈ చిత్రంలో బోమన్ ఇరానీ, కీర్తీ సురేష్, అనూ ఇమ్మానుయేల్, ఆది, కుష్బూ, మురళీ శర్మ, రావు రమేష్ తదితరులు నటిస్తున్న సంగతి తెలిసిందే. వచ్చే సంవత్సరం సంక్రాంతి సీజన్ లో జనవరి 10న చిత్రం థియేటర్లను తాకనుంది.