ఇంత ప్రేమకు నేను అర్హుడినా.. కళ్లు చెమర్చాయి: శివబాలాజీ
- 17న రిలీజ్ కానున్న శివబాలాజీ సినిమా
- మద్దతు పలికిన పవన్ అభిమానులు
- భావోద్వేగానికి గురైన శివబాలాజీ
బిగ్ బాస్ విన్నర్ శివబాలాజీ నటించి, సొంతంగా నిర్మిచిన సినిమా 'స్నేహమేరా జీవితం'. ఈ సినిమా ఈ నెల 17న రిలీజ్ కానుంది. ఈ సినిమాకు పవర్ స్టార్ పవన్ కల్యాణ్ అభిమానులు పూర్తి మద్దతును ప్రకటిస్తున్నారు. శివబాలాజీని పవన్ కల్యాణ్ తమ్ముడిలా భావిస్తారన్న సంగతి తెలిసిందే. ఈ నేపథ్యంలో శివబాలాజీ సినిమా హిట్ కావాలంటూ సినిమా పోస్టర్ కు పవన్ అభిమానులు హారతులిచ్చారు. దీనికి సంబంధించిన వీడియోను సోషల్ మీడియాలో పోస్ట్ చేశారు.
ఈ విషయం తెలుసుకున్న శివబాలాజీ తన భావోద్వేగాలను సోషల్ మీడియా ద్వారా పంచుకున్నాడు. వీడియోను జత చేస్తూ, కామెంట్ పోస్ట్ చేశాడు. ఇంత ప్రేమకు తాను అర్హుడినా అనిపించిందని... కళ్లు చెమర్చాయని తెలిపాడు. ఎన్నో జన్మల పుణ్యఫలమే మీ ఈ ప్రేమ అని చెప్పాడు. ఇంత ప్రేమను మీకు ఎలా తిరిగి ఇవ్వగలనో అర్థం కావడం లేదని... మీకు సదా రుణపడి ఉంటానని తెలిపాడు. ఇంతగా అభిమానిస్తున్న మీ అందరికీ వేల కోట్ల వందనాలు అంటూ ట్వీట్ చేశాడు.
ఈ విషయం తెలుసుకున్న శివబాలాజీ తన భావోద్వేగాలను సోషల్ మీడియా ద్వారా పంచుకున్నాడు. వీడియోను జత చేస్తూ, కామెంట్ పోస్ట్ చేశాడు. ఇంత ప్రేమకు తాను అర్హుడినా అనిపించిందని... కళ్లు చెమర్చాయని తెలిపాడు. ఎన్నో జన్మల పుణ్యఫలమే మీ ఈ ప్రేమ అని చెప్పాడు. ఇంత ప్రేమను మీకు ఎలా తిరిగి ఇవ్వగలనో అర్థం కావడం లేదని... మీకు సదా రుణపడి ఉంటానని తెలిపాడు. ఇంతగా అభిమానిస్తున్న మీ అందరికీ వేల కోట్ల వందనాలు అంటూ ట్వీట్ చేశాడు.
