ట్విట్టర్ ట్రెండింగ్స్: పవన్ కల్యాణ్ తరువాత ప్రభాస్, మహేష్ బాబు, జూనియర్ ఎన్టీఆర్

టాలీవుడ్ లో రెండు తరాల తరువాతి స్టార్ హీరోల లిస్టు చెప్పమంటే పవన్ కల్యాణ్, మహేష్ బాబు, జూనియర్ ఎన్టీఆర్, అల్లు అర్జున్ ఇలా చెప్పుకుంటూ పోతారు అభిమానులు. సోషల్ మీడియాలో ట్రెండింగ్ లెక్కించే సంస్థ మాత్రం పవర్ స్టార్ తరువాతి స్థానాన్ని ప్రభాస్ కి అప్పగించింది. దాని వివరాల్లోకి వెళ్తే... హీరోల పుట్టిన రోజు సందర్భంగా హ్యాష్ ట్యాగ్ లు రూపొందించి, విషెస్ చెప్పడం సోషల్ మీడియాలో ట్రెండ్ గా మారింది. ఈ విధానం హాలీవుడ్, బాలీవుడ్ లో బాగా ప్రచారంలో ఉంది. ఈ విధానం టాలీవుడ్ కి కూడా పాకింది.

 ఈ నేపథ్యంలో #HBDLEADERPAWANKALYAN అనే హ్యాష్ ట్యాగ్‌, #HBDDARLINGPRABHAS హ్యాష్ ట్యాగ్‌, #HBDMAHESHBABU హ్యాష్‌ ట్యాగ్‌, #HAPPYBIRTHDAYNTR హ్యాష్ ట్యాగ్ లతో అభిమానులు ప్రత్యేకంగా శుభాకాంక్షలు చెప్పనారంభించారు. వీటిని లెక్కించే ఒక సంస్థ పలు గణాంకాలను వివరిస్తూ, టాలీవుడ్ లో పవన్ కల్యాణ్ 2.9 మిలియన్ల ట్వీట్లతో అగ్రస్థానంలో నిలిచాడని తెలిపింది. రెండో స్థానంలో 2.1 మిలియిన్ల శుభాకాంక్షల ట్వీట్స్ తో ప్రభాస్‌ నిలిచాడని తెలిపింది. 1.1 మిలియన్ విషెస్ ట్వీట్స్ తో మహేష్ బాబు మూడోస్థానంలో నిలవగా, 7 లక్షల ట్వీట్స్ తో జూనియర్ ఎన్టీఆర్ నాలుగో స్థానంలో నిలిచాడని సదరు సంస్థ వెల్లడించింది.