దేశంలో 13 కోట్ల ఓట్లు తొలగించారు: కాంగ్రెస్ శ్రేణులు అప్రమత్తంగా ఉండాలన్న రేవంత్ రెడ్డి

Telangana
Advertisement
  • 2027 జనాభా లెక్కల్లో ఓబీసీ గణనను చేర్చాలని టీపీసీసీ పీఏసీ సమావేశంలో తీర్మానం
  • ఓబీసీ గణన అంశంపై ప్రధాని నరేంద్ర మోదీకి లేఖ రాయాలని పీసీసీ చీఫ్‌కు సీఎం సూచన
  • సంక్రాంతి తర్వాత ఐదు నెలల పాటు పల్లె పల్లెకు ‘ప్రజా బలం’ కార్యక్రమం
  • ఎల్‌నినో పరిస్థితుల నేపథ్యంలో కేంద్రం నుంచి రూ. 30,000 కోట్లు సాయం కోరిన ముఖ్యమంత్రి
  • దేశవ్యాప్తంగా 13 కోట్లు తెలంగాణలో 71 లక్షల ఓట్లు తొలగించారంటూ సీఎం రేవంత్ ఆరోపణ
2027 జనాభా లెక్కల్లో ఓబీసీ (OBC) గణనను తప్పనిసరిగా చేర్చాలని తెలంగాణ ముఖ్యమంత్రి రేవంత్ రెడ్డి కేంద్ర ప్రభుత్వాన్ని డిమాండ్ చేశారు. ఆదివారం హైదరాబాద్‌లో నిర్వహించిన తెలంగాణ ప్రదేశ్ కాంగ్రెస్ కమిటీ (టీపీసీసీ) పొలిటికల్ అఫైర్స్ కమిటీ (పీఏసీ) సమావేశంలో ఆయన మాట్లాడారు. రాబోయే జనాభా లెక్కల్లో ఓబీసీ గణనను చేర్చాలంటూ ఈ సమావేశంలో కాంగ్రెస్ పీఏసీ తీర్మానాన్ని ఆమోదించింది. ఈ విషయమై ప్రధానమంత్రి నరేంద్ర మోదీకి లేఖ రాయాలని టీపీసీసీ అధ్యక్షుడు మహేశ్ గౌడ్‌కు ముఖ్యమంత్రి సూచించారు. గత 100 ఏళ్ల చరిత్రలో మొదటిసారిగా తెలంగాణ ప్రభుత్వం కుల గణనను విజయవంతంగా చేపట్టిందని ఆయన గుర్తుచేశారు.

రాష్ట్రంలో సంక్రాంతి పండుగ ముగిసిన తర్వాత 5 నెలల పాటు ‘ప్రజా బలం’ కార్యక్రమాన్ని నిర్వహించనున్నట్లు సీఎం రేవంత్ రెడ్డి వెల్లడించారు. ఈ కార్యక్రమంలో భాగంగా పార్టీ నేతలంతా ప్రతి గ్రామాన్ని సందర్శించాలని పిలుపునిచ్చారు. నాయకులకు నిర్దిష్ట బాధ్యతలు అప్పగిస్తామని, నిధుల కొరత లేకుండా చూస్తామని తెలిపారు. పార్టీ కోసం కష్టపడి పనిచేసిన నాయకులకు ఇప్పటికే సముచిత పదవులు దక్కాయని ఆయన పేర్కొన్నారు. ఇదే సమయంలో, తెలంగాణ నూతన ఏఐసీసీ ఇన్‌ఛార్జ్‌గా నియమితులైన బి.ఎం. సందీప్‌కు ముఖ్యమంత్రి స్వాగతం పలికారు. సీనియర్ నాయకుడిని రాష్ట్ర ఇన్‌ఛార్జ్‌గా నియమించినందుకు సోనియా గాంధీ, మల్లికార్జున ఖర్గే, రాహుల్ గాంధీలకు ధన్యవాదాలు తెలిపారు.

రాష్ట్రంలో ఎల్‌నినో పరిస్థితులను ఎదుర్కొనేందుకు ప్రభుత్వం తీసుకుంటున్న సహాయక చర్యల గురించి ముఖ్యమంత్రి వివరించారు. ఎల్‌నినో ప్రభావం వల్ల సరిపడా వర్షపాతం నమోదు కాలేదని, ఈ పరిస్థితులను అధిగమించడానికి కేంద్రం రూ. 30,000 కోట్లు ఆర్థిక సాయం అందించాలని కోరారు. రైతులు ఆరుతడి పంటలనే సాగు చేయాలని విజ్ఞప్తి చేస్తూ, రాష్ట్రంలో ఆహార ధాన్యాల కొరత ఏమీ లేదని స్పష్టం చేశారు. ఎల్‌నినో ప్రభావంతో ప్రపంచవ్యాప్తంగా 100 దేశాలు, మన పొరుగున ఉన్న మహారాష్ట్ర, కర్ణాటక సైతం తీవ్ర కరవును ఎదుర్కొంటున్నాయని గుర్తుచేశారు. రాబోయే 8 నెలల పాటు తాగునీటి సరఫరాకు ఇబ్బంది రాకుండా ప్రాజెక్టుల్లోని నీటి వనరులను పూర్తిగా తాగునీటి అవసరాలకే కేటాయిస్తున్నామని వెల్లడించారు. వర్షాకాలంలో విద్యుత్ డిమాండ్ 20,000 మెగావాట్లకు చేరినప్పటికీ, విద్యుత్ కోతలు లేకుండా సరఫరా చేసి పంటలను కాపాడామని చెప్పారు. రాష్ట్రంలో ప్రతి ఒక్కరికీ ఉపాధి కల్పించడమే లక్ష్యంగా ప్రభుత్వం మరో పెద్ద కార్యక్రమాన్ని చేపట్టనుందని, ఇప్పటికే ఉపాధి హామీ పథకంలో లబ్ధిదారుల సంఖ్య భారీగా పెరిగిందని తెలిపారు.

ఓట్ల తొలగింపు వ్యవహారంలో ప్రధాని నరేంద్ర మోదీపై సీఎం రేవంత్ రెడ్డి తీవ్రస్థాయిలో ధ్వజమెత్తారు. కాంగ్రెస్‌కు మద్దతుగా నిలిచే దళితులు, ఆదివాసీలు, గిరిజనులు, మహిళల ఓట్లను వలసల పేరుతో తొలగిస్తున్నారని ఆయన ఆరోపించారు. ఎస్ఐఆర్ (SIR) ముసుగులో కేంద్రం ఓట్లను గల్లంతు చేస్తోందని విమర్శించారు. దేశవ్యాప్తంగా 13 కోట్ల ఓట్లు, ఒక్క తెలంగాణలోనే 71 లక్షల ఓట్లను తొలగించారని సీఎం పేర్కొన్నారు. స్వాతంత్ర్య ఉద్యమ కాలంలో ‘సైమన్ గో బ్యాక్’ తరహాలోనే, ఇప్పుడు కాంగ్రెస్ శ్రేణులు ‘జ్ఞానేశ్ కుమార్ గో బ్యాక్’ నినాదంతో పోరాడాలని పిలుపునిచ్చారు. ఇంటిపేరులో చిన్న తేడా వచ్చినా ఓట్లను తొలగిస్తున్నారని, కాంగ్రెస్ నాయకులు, కార్యకర్తలు, బీఎల్‌వోలు ఓట్ల తొలగింపుపై అప్రమత్తంగా ఉండాలని హెచ్చరించారు. బీజేపీ దేశంలో ఓటు హక్కు ఉన్నవారు, లేనివారుగా రెండు వర్గాలుగా విభజిస్తూ, ప్రజలను ద్వితీయ శ్రేణి పౌరులుగా మారుస్తోందని ఆయన ఆరోపించారు.
Advertisement

సంబంధిత వార్తలు

Revanth ReddyTPCC PAC meetingOBC caste census 2027Telangana Congress

More Telugu News

కాలేజీ లిఫ్ట్‌లో రాత్రంతా చిక్కుకున్న విద్యార్థిని.. 12 గంటల తర్వాత గుర్తించారు!

22 Nov, 19:40

"అలెక్స్, ఎక్కడున్నావు?".. ఎగిరిపోయిన చిలుక కోసం ఓ కుటుంబం ఆవేదన!

22 Nov, 19:32

ఆంధ్రప్రదేశ్‌లో లీగల్ ఏఐ ప్లాట్‌ఫామ్.. రైల్‌టెల్‌కు కీలక ప్రాజెక్ట్

22 Nov, 19:24

స్విట్జర్లాండ్‌లో సాహసోపేతంగా ల్యాండైన ఖతార్ రాజకుటుంబ విమానం.. 'క్రాబ్ అప్రోచ్'తో విమానాన్ని దించిన పైలట్లు

22 Nov, 19:11

ముగియనున్న జేఈఈ మెయిన్ రిజిస్ట్రేషన్ గడువు.. 13 లక్షలు దాటిన దరఖాస్తులు

22 Nov, 19:05

సిరాజ్ కు తుదిజట్టులో దక్కని చోటు.. సొంత పార్టీ నేతకు కాంగ్రెస్ నేత ముంతాజ్ పటేల్ కౌంటర్

22 Nov, 19:01

సత్యసాయి జిల్లాలో ఆసక్తికర పరిణామం.. తనను ఏకగ్రీవ సర్పంచ్ చేస్తే రూ.1.5 కోట్లు ఇస్తానన్న స్వామీజీ

22 Nov, 18:39

నాలుగోసారి.. కార్ల ధరలు మళ్లీ పెంచిన మారుతి!

22 Nov, 18:20

బంగారం కొనుగోళ్లు వాయిదా వేయాలన్న మోదీ సలహాకు వ్యాపార సంఘం కృతజ్ఞతలు.. కాంగ్రెస్ క్షమాపణ చెప్పాలన్న బీజేపీ

22 Nov, 18:06

బెంగళూరు చేరుకున్న షర్మిల.. యలహంక ప్యాలెస్ వద్ద పోలీసుల మోహరింపు

22 Nov, 17:54

బ్రేక్ ఫాస్ట్, లంచ్, డిన్నర్.. ఏది ఏ సమయంలో తినాలి? నిపుణులు చెబుతున్నదేమిటి?

22 Nov, 17:43

అంతరిక్షంలో ఔషధాల తయారీ దిశగా భారత్ ముందడుగు

22 Nov, 17:42

ఈ ఫొటోలో నాగార్జున పక్కన ఉన్న భామను గుర్తుపట్టారా?

22 Nov, 17:29

ఏపీలో డిసెంబర్ పింఛన్లు ముందుగానే.. కారణం ఇదే!

22 Nov, 17:15
..More Telugu News