హైదరాబాద్లో పవన్ కల్యాణ్ నివాసం వద్ద కలకలం
Advertisement
- పవన్ కల్యాణ్ ఇంటి ముందు బిల్డర్ ఆత్మహత్యాయత్నం
- అప్పులు తీర్చాలంటూ ప్లెక్సీతో నిరసన
- అడ్డుకున్న బౌన్సర్పై దాడికి యత్నం
- కత్తితో తనను తాను గాయపరుచుకున్న వ్యక్తి
- బౌన్సర్ ఫిర్యాదుతో కేసు నమోదు చేసిన పోలీసులు
హైదరాబాద్ జూబ్లీహిల్స్లోని ఏపీ డిప్యూటీ సీఎం పవన్ కల్యాణ్ నివాసం వద్ద ఓ బిల్డర్ హల్చల్ సృష్టించాడు. అప్పుల బాధతో ఉన్న తనను ఆదుకోవాలని కోరుతూ ఆత్మహత్యాయత్నానికి పాల్పడటం కలకలం రేపింది.
పోలీసులు తెలిపిన వివరాల ప్రకారం.. ఖమ్మం జిల్లా బల్లేపల్లికి చెందిన బట్టు సుచేతన్ ఠాకూర్ నాయక్ అనే వ్యక్తి వృత్తిరీత్యా బిల్డర్. అతను ఈ నెల 18న జూబ్లీహిల్స్లోని పవన్ కల్యాణ్ ఇంటి వద్దకు వచ్చాడు. తనకున్న అప్పులు తీర్చడానికి ఆర్థిక సాయం చేయాలని కోరుతూ ఓ ప్లెక్సీని ప్రదర్శిస్తూ నిరసనకు దిగాడు. ఆదుకోకపోతే ఆత్మహత్య చేసుకుంటానని హెచ్చరించాడు.
అక్కడ విధుల్లో ఉన్న బౌన్సర్ రాంశెట్టి రాజీవ్ కుమార్ అతడిని అడ్డుకునే ప్రయత్నం చేయగా, సుచేతన్ అతనిపై దాడికి ప్రయత్నించాడు. ఆ తర్వాత తన వెంట తెచ్చుకున్న కత్తితో తన ఛాతీ, చేతులపై కోసుకుని ఆత్మహత్యాయత్నం చేశాడు. వెంటనే అప్రమత్తమైన బౌన్సర్, సుచేతన్ వద్ద నుంచి కత్తిని స్వాధీనం చేసుకున్నారు.
ఈ ఘటనపై బౌన్సర్ రాంశెట్టి రాజీవ్ కుమార్ ఇచ్చిన ఫిర్యాదు మేరకు జూబ్లీహిల్స్ పోలీసులు కేసు నమోదు చేసి దర్యాప్తు చేస్తున్నారు.
పోలీసులు తెలిపిన వివరాల ప్రకారం.. ఖమ్మం జిల్లా బల్లేపల్లికి చెందిన బట్టు సుచేతన్ ఠాకూర్ నాయక్ అనే వ్యక్తి వృత్తిరీత్యా బిల్డర్. అతను ఈ నెల 18న జూబ్లీహిల్స్లోని పవన్ కల్యాణ్ ఇంటి వద్దకు వచ్చాడు. తనకున్న అప్పులు తీర్చడానికి ఆర్థిక సాయం చేయాలని కోరుతూ ఓ ప్లెక్సీని ప్రదర్శిస్తూ నిరసనకు దిగాడు. ఆదుకోకపోతే ఆత్మహత్య చేసుకుంటానని హెచ్చరించాడు.
అక్కడ విధుల్లో ఉన్న బౌన్సర్ రాంశెట్టి రాజీవ్ కుమార్ అతడిని అడ్డుకునే ప్రయత్నం చేయగా, సుచేతన్ అతనిపై దాడికి ప్రయత్నించాడు. ఆ తర్వాత తన వెంట తెచ్చుకున్న కత్తితో తన ఛాతీ, చేతులపై కోసుకుని ఆత్మహత్యాయత్నం చేశాడు. వెంటనే అప్రమత్తమైన బౌన్సర్, సుచేతన్ వద్ద నుంచి కత్తిని స్వాధీనం చేసుకున్నారు.
ఈ ఘటనపై బౌన్సర్ రాంశెట్టి రాజీవ్ కుమార్ ఇచ్చిన ఫిర్యాదు మేరకు జూబ్లీహిల్స్ పోలీసులు కేసు నమోదు చేసి దర్యాప్తు చేస్తున్నారు.
Advertisement