మేయర్, మున్సిపల్ ఛైర్మన్ అభ్యర్థులను ప్రకటించిన టీడీపీ.. కూటమి జోరు

ఆంధ్రప్రదేశ్‌లో మిగిలిన పట్టణ స్థానిక సంస్థల ఎన్నికలు సమీపిస్తుండంతో తెలుగుదేశం పార్టీ పలు మున్సిపల్ కార్పొరేషన్, మున్సిపాలిటీలు, నగర పంచాయతీలకు సంబంధించి మేయర్, ఛైర్మన్ అభ్యర్థుల జాబితాను అధికారికంగా ఖరారు చేసింది. కీలకమైన మంగళగిరి - తాడేపల్లి నగర పాలక సంస్థ (కార్పొరేషన్) మేయర్ అభ్యర్థిగా పేరం ఏడుకొండలు పేరును పార్టీ అధిష్ఠానం ఖరారు చేసింది.

మున్సిపల్ ఛైర్మన్ అభ్యర్థుల వివరాలు:
తణుకు: బసవ రామకృష్ణ
పాలకొల్లు: ఆబోతుల ఉషారాణి
నరసరావుపేట: ఎన్. రూపేశ్ గుప్తా
గుడివాడ: మారీదు కరుణ
శ్రీకాళహస్తి: పేట బాలాజీ
తాడిగడప: పీతా గోపీచంద్
పొన్నూరు: కండ్రు విజయలక్ష్మి
కందుకూరు: పిడికిటి వెంకటేశ్వర్లు
ఆమదాలవలస: కూన ప్రమీల
గూడూరు: చౌటూరి శిరీష


నగర పంచాయతీ ఛైర్మన్ అభ్యర్థులు:
చింతలపూడి: కె. ఎస్తేర్ రాణి
పొదిలి: వరికుంట్ల అనిల్ కుమార్
అల్లూరు: తోటకూర సునీల్ కుమార్
బి. కొత్తకోట (బి. కొత్తపేట): కుడుము శ్రీనివాసులు

రాష్ట్రంలోని 23 పట్టణ స్థానిక సంస్థల (ULB)కు నవంబరు 26న పోలింగ్ జరగనుంది. మొత్తం 4 కార్పొరేషన్లు, 16 మున్సిపాలిటీలు, 3 నగర పంచాయతీలకు ఈ విడతలో ఎన్నికలు నిర్వహిస్తున్నారు. నవంబరు 30న ఓట్ల లెక్కింపు ఉంటుంది. ఇప్పటికే బీజేపీ తాను పోటీ చేసే స్థానాల్లో అభ్యర్థులను ప్రకటించగా, తాజాగా ఈ ఎన్నికల్లో బరిలో దిగే తమ అభ్యర్థుల పేర్లను ఖరారు చేసినట్లు జనసేన పార్టీ కేంద్ర కార్యాలయం కూడా ఆదివారం సాయంత్రం అధికారికంగా వెల్లడించింది.