ఖేష్మ ద్వీపంలో భారీ పేలుళ్లు.. హర్మూజ్‌ సమీపంలో ఏం జరుగుతోంది?
Advertisement
- ఇరాన్‌లోని ఖేష్మ ద్వీపంలో ఐదు పేలుళ్లు జరిగినట్లు సమాచారం
- బందర్‌ లెంగెహ్‌లోనూ పేలుళ్ల శబ్దాలు వినిపించాయన్న ఇరాన్‌ మీడియా
- ద్వీపంపై రెండు విమానాలు కనిపించినట్లు స్థానికుల సమాచారం
- పేలుళ్లకు ఇంకా తెలియని కారణాలు
Advertisement
పశ్చిమాసియాలో ఉద్రిక్తతలు కొనసాగుతున్న వేళ ఇరాన్‌లో వరుస పేలుళ్లు కలకలం రేపాయి. దేశ దక్షిణ ప్రాంతంలోని ఖేష్మ ద్వీపంతో పాటు బందర్‌ లెంగెహ్‌ తీర నగరంలోనూ పేలుళ్ల శబ్దాలు వినిపించాయి. వ్యూహాత్మకంగా కీలకమైన హర్మూజ్‌ జలసంధికి సమీపంలో ఈ ఘటనలు చోటుచేసుకోవడం ఆందోళన కలిగిస్తోంది. అయితే పేలుళ్లకు కారణమేంటన్నది ఇంకా స్పష్టం కాలేదు.
ఇరాన్‌ అధికారిక వార్తా సంస్థ ఐఆర్‌ఎన్‌ఏను ఉటంకిస్తూ అల్‌ జజీరా వెల్లడించిన వివరాల ప్రకారం.. ఖేష్మ ద్వీపంలో ఐదు పేలుళ్లు సంభవించాయి. బందర్‌ లెంగెహ్‌లోనూ పేలుళ్ల శబ్దాలు వినిపించాయి. ద్వీపంపై రెండు విమానాలు ఎగురుతూ కనిపించినట్లు స్థానికులు తెలిపారు. ఈ ఘటనల్లో ప్రాణనష్టం లేదా ఆస్తి నష్టానికి సంబంధించిన వివరాలు వెంటనే అందుబాటులోకి రాలేదు.
ఇటీవల హర్మూజ్‌ జలసంధి సమీపంలో మూడు అమెరికా డ్రోన్లను కూల్చివేసినట్లు ఇరాన్‌ ఇస్లామిక్‌ రివల్యూషనరీ గార్డ్‌ కార్ప్స్‌ (ఐఆర్‌జీసీ) ప్రకటించింది. ఎలక్ట్రానిక్‌ వార్‌ఫేర్‌ వ్యవస్థల సాయంతో ఖేష్మ ద్వీపానికి దక్షిణంగా రెండు ఎంవీక్యూఎం-170 నిఘా డ్రోన్లను కూల్చినట్లు ఇరాన్‌ మీడియా పేర్కొంది. జలసంధికి తూర్పున మరో ఎంవీక్యూ-9 డ్రోన్‌ను కూడా కూల్చినట్లు ఐఆర్‌జీసీ తెలిపింది.
అమెరికా, ఇరాన్‌ మధ్య సైనిక ఉద్రిక్తతలు కొనసాగుతున్న సమయంలో తాజా పేలుళ్లు చోటుచేసుకున్నాయి. మరోవైపు ఇరు దేశాల మధ్య దౌత్యపరమైన చర్చలు కొనసాగుతున్నట్లు సమాచారం. పేలుళ్ల వెనుక కారణం, వాటికి సంబంధించి ఏదైనా సైనిక చర్య జరిగిందా అనే అంశాలపై అధికారిక స్పష్టత రావాల్సి ఉంది.
ఖేష్మ ఎందుకు అంత కీలకం?
ఇరాన్‌లో అతిపెద్ద ద్వీపమైన ఖేష్మ.. ప్రపంచ చమురు రవాణాకు అత్యంత కీలకమైన హర్మూజ్‌ జలసంధి ప్రవేశ మార్గానికి సమీపంలో ఉంది. ఈ ప్రాంతం నుంచి నౌకల కదలికలను పర్యవేక్షించడంతోపాటు, తీర రక్షణ వ్యవస్థలు, డ్రోన్లు, క్షిపణులు, నౌకలతో సముద్ర మార్గాలపై ఇరాన్‌ వ్యూహాత్మక పట్టు సాధించగలదు. అందుకే ఈ ద్వీపంపై దాడి జరిగితే ఇరాన్‌ ప్రతీకార చర్యలకు దిగే ప్రమాదం ఉంది. దాంతో హర్మూజ్‌ జలసంధిలో వాణిజ్య నౌకల రాకపోకలకు అంతరాయం ఏర్పడవచ్చు. ప్రపంచ చమురు, సహజ వాయువు సరఫరా దెబ్బతిని ధరలు పెరిగే అవకాశముంది. భారత్ సహా చమురు దిగుమతులపై ఆధారపడే దేశాలపై ఆర్థిక భారం పడవచ్చు. అయితే దాడి లక్ష్యాలు, ఇరాన్‌ ప్రతిస్పందనపై పరిణామాల తీవ్రత ఆధారపడి ఉంటుంది.
ఇరాన్‌ అధికారిక వార్తా సంస్థ ఐఆర్‌ఎన్‌ఏను ఉటంకిస్తూ అల్‌ జజీరా వెల్లడించిన వివరాల ప్రకారం.. ఖేష్మ ద్వీపంలో ఐదు పేలుళ్లు సంభవించాయి. బందర్‌ లెంగెహ్‌లోనూ పేలుళ్ల శబ్దాలు వినిపించాయి. ద్వీపంపై రెండు విమానాలు ఎగురుతూ కనిపించినట్లు స్థానికులు తెలిపారు. ఈ ఘటనల్లో ప్రాణనష్టం లేదా ఆస్తి నష్టానికి సంబంధించిన వివరాలు వెంటనే అందుబాటులోకి రాలేదు.
ఇటీవల హర్మూజ్‌ జలసంధి సమీపంలో మూడు అమెరికా డ్రోన్లను కూల్చివేసినట్లు ఇరాన్‌ ఇస్లామిక్‌ రివల్యూషనరీ గార్డ్‌ కార్ప్స్‌ (ఐఆర్‌జీసీ) ప్రకటించింది. ఎలక్ట్రానిక్‌ వార్‌ఫేర్‌ వ్యవస్థల సాయంతో ఖేష్మ ద్వీపానికి దక్షిణంగా రెండు ఎంవీక్యూఎం-170 నిఘా డ్రోన్లను కూల్చినట్లు ఇరాన్‌ మీడియా పేర్కొంది. జలసంధికి తూర్పున మరో ఎంవీక్యూ-9 డ్రోన్‌ను కూడా కూల్చినట్లు ఐఆర్‌జీసీ తెలిపింది.
అమెరికా, ఇరాన్‌ మధ్య సైనిక ఉద్రిక్తతలు కొనసాగుతున్న సమయంలో తాజా పేలుళ్లు చోటుచేసుకున్నాయి. మరోవైపు ఇరు దేశాల మధ్య దౌత్యపరమైన చర్చలు కొనసాగుతున్నట్లు సమాచారం. పేలుళ్ల వెనుక కారణం, వాటికి సంబంధించి ఏదైనా సైనిక చర్య జరిగిందా అనే అంశాలపై అధికారిక స్పష్టత రావాల్సి ఉంది.
ఖేష్మ ఎందుకు అంత కీలకం?
ఇరాన్‌లో అతిపెద్ద ద్వీపమైన ఖేష్మ.. ప్రపంచ చమురు రవాణాకు అత్యంత కీలకమైన హర్మూజ్‌ జలసంధి ప్రవేశ మార్గానికి సమీపంలో ఉంది. ఈ ప్రాంతం నుంచి నౌకల కదలికలను పర్యవేక్షించడంతోపాటు, తీర రక్షణ వ్యవస్థలు, డ్రోన్లు, క్షిపణులు, నౌకలతో సముద్ర మార్గాలపై ఇరాన్‌ వ్యూహాత్మక పట్టు సాధించగలదు. అందుకే ఈ ద్వీపంపై దాడి జరిగితే ఇరాన్‌ ప్రతీకార చర్యలకు దిగే ప్రమాదం ఉంది. దాంతో హర్మూజ్‌ జలసంధిలో వాణిజ్య నౌకల రాకపోకలకు అంతరాయం ఏర్పడవచ్చు. ప్రపంచ చమురు, సహజ వాయువు సరఫరా దెబ్బతిని ధరలు పెరిగే అవకాశముంది. భారత్ సహా చమురు దిగుమతులపై ఆధారపడే దేశాలపై ఆర్థిక భారం పడవచ్చు. అయితే దాడి లక్ష్యాలు, ఇరాన్‌ ప్రతిస్పందనపై పరిణామాల తీవ్రత ఆధారపడి ఉంటుంది.
Advertisement