హైలో ఓపెన్ 2026 విజేతగా పీవీ సింధు.. అభినందించిన నారా లోకేశ్

భారత స్టార్ షట్లర్, తెలుగు తేజం పీవీ సింధు మరోసారి అంతర్జాతీయ వేదికపై తన సత్తా చాటారు. ప్రతిష్ఠాత్మక హైలో ఓపెన్-2026 బ్యాడ్మింటన్ టోర్నమెంట్‌లో ఆమె విజేతగా నిలిచారు. ఈ గెలుపుతో ఈ సీజన్‌లో తన రెండో బీడబ్ల్యూఎఫ్ వరల్డ్ టూర్ టైటిల్‌ను సింధు తన ఖాతాలో వేసుకుంది.

ఈ అద్భుత విజయం సాధించిన సింధుపై ప్రస్తుతం అభినందనలు వెల్లువెత్తుతున్నాయి.

ఆంధ్రప్రదేశ్ మంత్రి నారా లోకేశ్ 'ఎక్స్' వేదికగా ఆమెకు శుభాకాంక్షలు తెలియజేశారు. "రెండుసార్లు ఒలింపిక్ పతక విజేత, ప్రపంచ ఛాంపియన్ అయిన పీవీ సింధు హైలో ఓపెన్-2026 టైటిల్ గెలవడం చాలా సంతోషంగా ఉంది" అని లోకేశ్ తన పోస్టులో పేర్కొన్నారు.

ఈ విజయం ఆంధ్రప్రదేశ్‌తో పాటు యావత్ భారతదేశానికి గర్వకారణమని లోకేశ్ కొనియాడారు. భవిష్యత్ తరాల అథ్లెట్లకు సింధు స్ఫూర్తిదాయక ప్రయాణం ఎప్పటికీ ప్రేరణగా నిలుస్తుందని ఆయన ఆకాంక్షించారు. సింధు సాధించిన ఈ ఘనతపై క్రీడాభిమానులు, పలువురు ప్రముఖులు హర్షం వ్యక్తం చేస్తూ ప్రశంసలు కురిపిస్తున్నారు.