రష్యా చమురు కొనుగోలు: భారత్‌కు భారీ ఊరట.. సుంకాలకు ట్రంప్ మినహాయింపు
- రష్యా నుంచి చమురు కొనే దేశాలపై 100 శాతం సుంకాలను మినహాయించిన అమెరికా
- ట్రంప్ ప్రభుత్వం కీలక ఉత్తర్వులు.. భారత్‌కు భారీ ఊరట
- గ్రాహం చట్టాన్ని అమలు చేస్తూనే, అందులోని కఠిన నిబంధనలను నిలిపివేత
- అమెరికా విదేశాంగ మంత్రి రూబియో భారత పర్యటనకు ముందు నిర్ణయం
- జాతీయ ప్రయోజనాల దృష్ట్యానే ఈ మినహాయింపు అన్నట్రంప్ కాంగ్రెస్‌
రష్యా నుంచి ముడి చమురును దిగుమతి చేసుకుంటున్న భారత్ వంటి దేశాలకు అమెరికా అధ్యక్షుడు డొనాల్డ్ ట్రంప్ భారీ ఊరట కల్పించారు. రష్యా చమురు దిగుమతి చేసుకునే దేశాలపై 100 శాతం వరకు సుంకాలు విధించే ‘లిండ్సే ఓ. గ్రాహం చట్టాన్ని’ అమలు చేస్తూనే, దాని నుంచి మినహాయింపు ఇస్తూ కీలక ఉత్తర్వులు జారీ చేశారు. అమెరికా విదేశాంగ మంత్రి మార్కో రూబియో భారత పర్యటనకు సిద్ధమవుతున్న తరుణంలో, సుంకాల గడువు ముగియడానికి ఒక రోజు ముందు ఈ నిర్ణయం వెలువడటం ప్రాధాన్యం సంతరించుకుంది.
శుక్రవారం రాత్రి వైట్‌హౌస్ విడుదల చేసిన ఈ ఎగ్జిక్యూటివ్ ఆర్డర్ ప్రకారం.. రష్యా నుంచి అత్యధికంగా చమురు, సహజ వాయువు దిగుమతి చేసుకునే మొదటి 5 దేశాలపై 100 శాతం సుంకాలు విధిస్తారు. అయితే, అదే ఆర్డర్‌లోని సెక్షన్ 4 కింద ఈ సుంకాలను వెంటనే నిలిపివేస్తున్నట్లు ట్రంప్ ప్రకటించారు. అమెరికా జాతీయ ప్రయోజనాల దృష్ట్యా ఈ మినహాయింపు ఇస్తున్నట్లు తాను కాంగ్రెస్‌కు లిఖితపూర్వకంగా ధ్రువీకరించినట్లు ట్రంప్ తెలిపారు.
భారత్ రష్యా నుంచి అత్యధికంగా ముడి చమురు కొనుగోలు చేస్తున్న దేశాల్లో ఒకటిగా ఉంది. అక్టోబర్ 17 నుంచి 22 వరకు అమెరికా విదేశాంగ మంత్రి మార్కో రూబియో భారత్‌లో పర్యటించనున్నారు. ఈ పర్యటనలో భాగంగా ఆయన విదేశాంగ మంత్రి ఎస్. జైశంకర్‌తో ముంబైలో సమావేశమై, ప్రపంచంలోనే అతిపెద్దదైన జామ్‌నగర్ రిఫైనరీ కాంప్లెక్స్‌ను సందర్శించనున్నారు. ఈ నేపథ్యంలో తాజా నిర్ణయం ఇరు దేశాల సంబంధాలకు మరింత సానుకూల సంకేతాలు పంపుతోంది.
ఈ మినహాయింపు ఇచ్చినప్పటికీ, రష్యా చమురు కొనుగోళ్లకు సంబంధించిన పరిస్థితులను అమెరికా అధికారులు నిరంతరం పర్యవేక్షిస్తారు. రష్యాపై ఇప్పటికే ఉన్న ఇతర ఆంక్షలు యథాతథంగా కొనసాగుతాయని కూడా ఈ ఉత్తర్వులలో స్పష్టం చేశారు.
శుక్రవారం రాత్రి వైట్‌హౌస్ విడుదల చేసిన ఈ ఎగ్జిక్యూటివ్ ఆర్డర్ ప్రకారం.. రష్యా నుంచి అత్యధికంగా చమురు, సహజ వాయువు దిగుమతి చేసుకునే మొదటి 5 దేశాలపై 100 శాతం సుంకాలు విధిస్తారు. అయితే, అదే ఆర్డర్‌లోని సెక్షన్ 4 కింద ఈ సుంకాలను వెంటనే నిలిపివేస్తున్నట్లు ట్రంప్ ప్రకటించారు. అమెరికా జాతీయ ప్రయోజనాల దృష్ట్యా ఈ మినహాయింపు ఇస్తున్నట్లు తాను కాంగ్రెస్‌కు లిఖితపూర్వకంగా ధ్రువీకరించినట్లు ట్రంప్ తెలిపారు.
భారత్ రష్యా నుంచి అత్యధికంగా ముడి చమురు కొనుగోలు చేస్తున్న దేశాల్లో ఒకటిగా ఉంది. అక్టోబర్ 17 నుంచి 22 వరకు అమెరికా విదేశాంగ మంత్రి మార్కో రూబియో భారత్‌లో పర్యటించనున్నారు. ఈ పర్యటనలో భాగంగా ఆయన విదేశాంగ మంత్రి ఎస్. జైశంకర్‌తో ముంబైలో సమావేశమై, ప్రపంచంలోనే అతిపెద్దదైన జామ్‌నగర్ రిఫైనరీ కాంప్లెక్స్‌ను సందర్శించనున్నారు. ఈ నేపథ్యంలో తాజా నిర్ణయం ఇరు దేశాల సంబంధాలకు మరింత సానుకూల సంకేతాలు పంపుతోంది.
ఈ మినహాయింపు ఇచ్చినప్పటికీ, రష్యా చమురు కొనుగోళ్లకు సంబంధించిన పరిస్థితులను అమెరికా అధికారులు నిరంతరం పర్యవేక్షిస్తారు. రష్యాపై ఇప్పటికే ఉన్న ఇతర ఆంక్షలు యథాతథంగా కొనసాగుతాయని కూడా ఈ ఉత్తర్వులలో స్పష్టం చేశారు.
